އެއް ލައްކަ މީހުން ވޯޓު ލައިފި
މިހާރު ކުރިއަށްދާ ކައުންސިލްތަކުގެ އިންތިހާބުގައި ލައްކައަކަށް ވުރެ ގިނަ މީހުން ވޯޓު ލައިފިއެވެ.
އިލެކްޝަންސް ކޮމިޝަނުން ބުނީ 13:50 އާ ހަމައަށް 100،829 މީހަކު ވޯޓު ލާފައިވާ ކަމަށް. 713 ވޯޓު ފޮށި ބެހެއްޓިފައިވާއިރު 53689 ފިރިހެނުންނާއި، 47140 އަންހެނުން ވޯޓު ލައިފައިވާ ކަމަށެވެ.
މި އިންތިހާބުގައި 273،128 މީހުންނަށް ވޯޓުލުމުގެ ހައްގު ލިބިގެންވާއިރު މިހާތަނަށް ވޯޓުލާފައި ވަނީ 36.2 ޕަސެންޓު މީހުންނެވެ.
މި އިންތިހާބުގައި އެމްޑީޕީން، 826 ކެނޑިޑޭޓުން ޕީޕީއެމްއިން 647 ކެނޑިޑޭޓުން، ޖުމްހޫރީ ޕާޓީން 115 ކެނޑިޑޭޓުން، އަދާލަތު ޕާޓީން 28 ކެނޑިޑޭޓުން، އެމްޑީއޭއިން 20 ކެނޑިޑޭޓުން، އެމްއާރްއެމް - 15 ކެނޑިޑޭޓުން، އެމްއެލްއެސްޑީޕީ 4 ކެނޑިޑޭޓުން އަދި ޑީއާރުޕީ 1 ކެނޑިޑޭޓަކު ވާދަ ކުރާނެއެވެ. އަދި އަމިއްލަ ގޮތުން 609 ކެނޑިޑޭޓަކު ބައިވެރިވިއެވެ.
އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ އިންތިހާބުގައި އެމްޑީޕީން 650 ކެނޑިޑޭޓުން ޕީޕީއެމުން 499 ކެނޑިޑޭޓުން، ޖުމްހޫރީ ޕާޓީން 46 ކެނޑިޑޭޓުން، އަދާލަތު ޕާޓީން 25 ކެނޑިޑޭޓުން އެމްޑީއޭން 19 ކެނޑިޑޭޓުން އެމްއާރްއެމުން 4 ކެނޑިޑޭޓުން އަދި އަމިއްލަ ގޮތުން 427 ކެނޑިޑޭޓުން ވާދަކުރެއެވެ.
Ads by STO
