ޚަބަރު

50 އިންސައްތަ މީހުން މިހާތަނަށް ވޯޓު ލައިފި

މުޙައްމަދު ޝިފާއު ، ދެން އޮންލައިން
ދެން އިމޭޖްސް: އަބްރާހިމް ޝަމްވީލް

ލޯކަލް ކައުންސިލް އިންތިޚާބަށް ވޯޓު ލުމުގެ ޙައްގު ލިބިގެންވާ މީހުންގެ ތެރެއިން 50 އިންސައްތަ މީހުން ވޯޓު ލައިފިއެވެ.

Ads by STELCO

އެގޮތުން މެންދުރުފަހު 3:40 އާ ހަމައަށް އިލެކްޝަން ކޮމިޝަންގެ އަދަދުތައް ދައްކާ ގޮތުން ޖުމުލަ 138444 މީހުން ވޯޓު ލައިފައިވާއިރު، އޭގެތެރޭގައި 71304 ފިރިހެނުންނާއި، 67139 އަންހެނުން ހިމެނެއެވެ.

ހަމައެއާއެކު އިލެކްޝަން އިން ހާމަކޮށްފައިވާ މައުލޫމާތުތައް ދައްކާ ގޮތުން ވޯޓުލުމުގެ ހައްގު ލިބިގެންވާ ފަރާތްތަކުގެ ތެރެއިން 49.3 އިންސައްތަ މީހުން ވޯޓުލުމަށް ނިކުމެފައެއް ނުވެއެވެ.

ވޯޓުލާ މަރުކަޒުތަކުގައި ފެނިގެން ދަނީ މީހުންތައް ބޮނޑިވެފައިވާ މަންޒަރެވެ. އެގޮތުން ބައެއް މަރުކަޒުތަކުގައި ކިޔޫ ދަމާލައިފައިވާއިރު އެ ތަންތަނުގައި ގައިދުރުކަމެއް ނެތް ކަން ވަރަށް ބޮޑަށް ފާހަގަ ކުރެވެއެވެ. އެ ގޮތުން ގޮނޑިތަކުގައި މީހުން އިށީނދެގެން ތިބޭއިރު ވެސް ގައިދުރުކަމެއް ނެތި އިށީނދެގެން ތިބޭކަން ފާހަގަ ކުރެވެއެވެ.

ކޮވިޑް-19ގެ ބަލިމަޑުކަމުގެ ސަބަބުން ގޮނޑި ޖަހާފައިވާ ގިނަ ތަންތަނުގައި މީހުންނަށް އިށީނދެގެން ތިބެވެނީ އެއް ގޮނޑި ދޫކޮށް ގައިދުރު ކުރުމަށް ފަހުގައެވެ. ނަމަވެސް ވޯޓުލާ މަރުކަޒުތަކުގައި އެ އުސޫލެއް ވެސް ނެތެވެ.

މި ވޯޓަކީ ތާރީހީ ވޯޓަކަށް ވެގެން ދާނެ ކަމަށް ގިނަ ބަޔަކު ލަފާ ކުރާއިރު މިއީ އެންމެ މަދުން މީހުން ވޯޓުލާން ނުކުންނަ އިންތިހާބު ކަމުގައި ވެސް ވެދާނެއެވެ.

ވޯޓުލުމުގެ ހައްޤު 273128 ރައްޔިތުންނަށް ލިބިގެންވާއިރު މިހާތަނަށް ތަފާސް ހިސާބުތަކަށް ބަލާއިރު 130,000 އަށް ވުރެ ގިނަ މީހުން ވޯޓު ނުލައި އެބަ ތިއްބެވެ.

Ads by Ooredoo

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!