60،000 ލީޓަރު ޑީސަލާއެކު ރޯވި ބޯޓް އަޑިއަށް ގޮސްފި

ފޭދޫ ފިނޮޅު ކައިރިން ރޯވި ތެޔޮ ބޯޓު އަޑިއަށް ގޮސްފިއެވެ.

Ads by STELCO

އެމްއެންޑީއެފުން ވިދާޅުވީ އަލިފާން ރޯވީ ތެޔޮ ބަރުކޮށްގެން ލާމު އަތޮޅުން މާލެއަށް ދަތުރުކުރަމުން ދިޔަ ބޯޓެއް ކަމަށެވެ. އަދި އެ ބޯޓުގައި 60،000 ލީޓަރު ޑީސަލް ހުރި ކަމަށް ވެސް އެމްއެންޑީއެފުން މައުލޫމާތު ދެއެވެެ.

އެމްއެންޑީއެފުން އިތުރަށް ވިދާޅުވީ މި ހާދިސާގެ ރިޕޯޓް ލިބުނީ 17:50ހާއިރު ކަމަށާއި ހާދިސާ ހިނގި ވަގުތު ބޯޓުގައި ހަތަރު ފަޅުވެރިން ތިބި ކަމަށެވެ. އެއީ ހަތަރު ދިވެހީންނާއި ބިދޭސީއެއް ކަމަށާއި އެ ހަތަރު މީހުން ވެސް މިހާރު ވަނީ ރައްކާތެރި ކަމާއެކު މާލެ ގެނެވިފައި ކަމުގައި އެމްްއެންޑީއެފުން ވިދާޅުވިއެވެ.

މި ތެޔޮ ބޯޓު އަޑިއަށް ދިޔައީ އެ ސަރަހައްދުގައި އެމްއެންޑީއެފްގެ ފަޔަރ އެންޑް ރެސްކިއު ޓީމް ހަރަކާތްތެރިވަމުން ދަނިކޮށެވެ.