56 އިންސައްތައާއެކު ކުޅުދުއްފުށީ މޭޔަރު ކަމަށް ކުރީގައި އެމްޑީޕީގެ އާތިފް
މިއަދު ކުރިއަށްދިޔަ ލޯކަލް ކައުންސިލް އިންތިޚާބުގައި ކުޅުދުއްފުށީގެ މޭޔަރު ކަމަށް ކުރިމަތިލި ހަތަރު ކެނޑިޑޭޓުންގެ ތެރެއިން މުޙައްމަދު އާތިފް 56 އިންސައްތަ ކުރި ހޯދައިފިއެވެ.
ކުޅުދުއްފުށި މޭޔަރު ކަމަށް ހަތަރު ކެނޑިޑޭޓަކު ކުރިމަތި ލައިފައިވާއިރު އޭގެ ތެރޭގައި ހިމެނެނީ، ޕީޕީއެމްގެ ފަރާތުން އަބްދުالله އިޤްބާލް، އަމިއްލަ ގޮތުން ވާދަކުރާ ދެ ކެނޑިޑޭޓެއް ކަމަށްވާ އަހުމަދު ސައީދު އަދި އާދަމް ޝަރީފް މުޙައްމަދުގެ އިތުރުން އެމްޑީޕީގެ ފަރާތުން ވާދަކުރާ މުޙައްމަދު އާތިފްއެވެ.
ކުޅުދުއްފުށީގެ ނަތީޖާތަކަށް ބަލާއިރު އެ ސިޓީން ތަނަވަސް އަޣްލަބިއްޔަތެއް ވެރިކަން ކުރާ އެމްޑީޕީން ހޯދާނެކަން ވަނީ ޔަގީން ކުރެވިފައެވެ. ނަމަވެސް ޕީޕީއެމްގެ ކެނޑިޑޭޓަކަށް ވެސް އެސިޓީން ގޮނޑިއެއް ލިބުމުގެ ތަނަވަސް ފުރުސަތެއް އެބައޮތެވެ.
ކުޅުދުއްފުށީގެ އިތުރުން ފުވައްމުލަކާއި އައްޑޫގެ މެޖޯރިޓީ ވެސް އެމްޑީޕީގެ ކެނޑިޑޭޓުން ހޯދާނެކަން ޔަގީން ކުރެވިފައި ވެއެވެ.
Ads by STO
