ރ.ވާދޫގައި އެމްޑީޕީއަށް ގޮނޑިއެއް ނުދީ ހިފަހައްޓަމުންދާ ރެކޯޑް ދަމަހައްޓަނީ!

ލާމަރުކަޒީ ނިޒާމު ފެށުނީއްސުރެ ރ.ވާދޫ ކައުންސިލްގައި ޕީޕީއެމްގެ ކެނޑިޑޭޓުން ހިފަހައްޓަމުން އަންނަ 100 ޕަސެންޓްގެ ރެކޯޑާ ގާތަށް މިއަހަރު ވެސް ޖެހިލައިފިއެވެ.

Ads by Sosun Fihaara

ވާދޫ ކައުންސިލްގެ ހުރިހާ ވޯޓް ފޮއްޓެއްގެ ނަތީޖާ ސާފުވިއިރު އެ ރަށުން ކުރީގައި އުޅުއްވަނީ ޕީޕީއެމްގެ ފަސް ކެނޑިޑޭޓުންނެވެ. ސާފު ނުވެ ވަނީ އެ ރަށުގެ ކެނޑިޑޭޓުންނަށް އެހެނިހެން ފޮށިތަކުގައި ހިމެނޭ 40 ވޯޓެވެ.

މި އަދަދުތަކަށް ބަލާއިރު ޕީޕީއެމްގެ ފަސް ކެނޑިޑޭޓުން ވެސް ވަނީ ގޮނޑި ކަށަވަރު ކުރުމާ ވަރަށް ގާތަށް ޖެހިލާފައެވެ.

މިއަދު ކުރިއަށް ދިޔަ ލޯކަލް ކައުންސިލް އިންތިޚާބުގައި އިދިކޮޅު ޕީޕީއެމުން ދަނީ މާލެއާއި އަތޮޅުތަކުން ބޮޑެތި ކާމިޔާބުތަކެއް ހޯއްދަވަމުންނެވެ. އެގޮތުން ގިނަ އަތޮޅުތަކެއްގެ ރައީސުންގެ ގޮނޑި އެ ޕާޓީން ކާމިޔާބު ކުރިއިރު މާލެ ސިޓީގެ މެޖޯރިޓީ ވެސް ވަނީ ހޯދާފައެވެ.