ޕީޕީއެމްއަށް މާލެއިން 100 އިންސައްތައިގެ ރެކޯޑެއް ، ކުރިމަތިލި 14 ކެނޑިޑޭޓުން ވެސް މެމްބަރު ކަމަށް!
އިއްޔެ ކުރިއަށް ދިޔަ ލޯކަލް ކައުންސިލްގެ އިންތިޚާބުގައި ޕީޕީއެމުން މާލެއިން 100 ޕަސެންޓްގެ ރެކޯޑެއް ހޯދުމާ ގާތަށް ޖެހިލައިފިއެވެ.
ސިޓީ ކައުންސިލްގައި ހިމެނޭ 18 ގޮނޑީގެ ތެރެއިން ޕީޕީއެމުން މި އިންތިޚާބުގައި ވާދަ ކުރީ މޭޔަރު ކެނޑިޑޭޓް ހިމެނޭނެހެން ޖުމްލަ 14 ގޮނޑިއަށެވެ. ޕީޕީއެމުން ވަނީ ތާރީޚީ ކާމިޔާބެއް ހޯދާ މި 13 ގޮނޑި ކަށަވަރު ކޮށްފައެވެ. 14 ގޮނޑީގެ ތެރެއިން ކަށަވަރު ނުވެ އޮތް ހަމައެކަނި ގޮނޑިއަކީ މައްޗަށްގޮޅީ މެދު ދާއިރާގެ ގޮނޑިއެވެ. ރައީސް ނަޝީދުގެ އެ ދާއިރާއަށް ޕީޕީއެމުން ކުރިމަތިލައިފައި ވަނީ ކުރީގެ އިންފޮމޭޝަން ކޮމިޝަނަރު ޢަބްދުލްޢަޒީޒް ޖަމާލު އަބޫބަކުރެވެ. މިހައިތަނަށް ސާފުވި ނަތީޖާއަށް ބަލާއިރު 13 ވޯޓްގެ ނަތީޖާއަކުން ޢަބްދުލް ޢަޒީޒް ވަނީ ކުރި ހޯއްދަވައިފައެވެ.
ތިން އިންތިޚާބުން ބަލިވެފައިވާ ޕީޕީއެމުން އިއްޔެ ވަނީ ތާރީޚީ ނަތީޖާތަކެއް ހޯދައިފައެވެ. އެ ގޮތުން މާލޭ ސިޓީގެ މެޖޯރިޓީ ހޯދިއިރު ގިނަ އަތޮޅުތަކެއް ވެސް އެ ޕާޓީން ވަނީ ކަށަވަރު ކޮށްފައެވެ.
Ads by STO
