ބަރަކާތްތެރި ބާއްޖަވެރި ފަތިހަކަށް ގައުމު އަލިވިލައިފި، މަރުހަބާ ޕީޕީއެމް : ޝަހީމް
ބަރަކާތްތެރި އަދި ބާއްޖަވެރި ފަތިހަކަށް ގައުމު އަލިވިލައިފި ކަމަށާއި ލޯކަލް ކައުންސިލް އިންތިހާބުގައި މިހާތަނަށް ގުނައި، ވަގުތީ ނަތީޖާ ލިބުނު ވޯޓުފޮށިތަކުން ޕީޕީއެމް ހޯދި ކާމިޔާބީއަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މައުހަބާ ދަންނަވައިފިއެވެ.
ޝަހީމް މިއަދު ކުރެއްވި ޓްވީޓެއްގައި ވިދާޅުވީ އިސްލާމްދީން މަތިވެރި ގައުމެއްގެ މިނިވަންކަން ކުރާނެ ފަތިހަކަށް ގައުމު އަލިވިލައިފި ކަމަށެވެ.
“ ބަރަކާތްތެރި ބާއްޖަވެރި ފަތިހަކަށް ގައުމު އަލި ވިލައިފި. އިސްލާމް ދީން މަތިވެރިވެ ގައުމުގެ މިނިވަންކަން ދިފާއު ކުރާނެ ފަތިހެއް. الحمدلله . މަރުހަބާ ޕީޕީއެމް” ޝަހީމް ވިދާޅުވިއެވެ.
ޝަހީމް މިހެން ވިދާޅުވެފައިވަނީ ލޯކަލް ކައުންސިލް އިންތިހާބުގައި ޕީޕީއެމްއިން ގިނަ ގޮނޑިތަކެއް ކަމިޔާބުކޮށް ތަފާތު ދައްކާފައިވާ ދަނޑިވަޅެެއްގައެވެ. މިހާތަނަށް ގުނައި، ވަގުތީ ނަތީޖާ ލިބުނު ވޯޓުފޮށިތަކުން އެމްޑީޕީއަށް 381 ގޮނޑި އަދި އިދިކޮޅު ޕީޕީއެމްއަށް 288 ގޮނޑި ލިބޭނެ ކަމަށް ދައްކައެވެ.
ޖުމްލަ 713 ވޯޓުފޮށި ބެހެއްޓިއިރު މިހާތަނަށް ލިބިފައިވަނީ 177 ވޯޓުފޮށީގެ ނަތީޖާއެެވެ. އެހެންކަމުން އިތުރު ވޯޓުފޮށިތަކުގެ ނަތީޖާ ލިބުމުން މި އަދަދުތަކަށް ބަދަލު އަންނާނެ ކަމަށް ބެލެވެއެވެ.
