އެއްވެސް ލީޑަރަކީ ތާއަބަދަށް މާ މޮޅު މީހެއް ކަމަށް ދެކިގެން ނުވާނެ: ރައީސް ނަޝީދު
އެއްވެސް ލީޑަރަކީ ތާއަބަދަށް މާ މޮޅު މީހެއް ކަމަށް ދެކިގެން ނުވާނެ ކަމަށް މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމްޑީޕީގެ ފަރާތުން މިއަދު ކުރިއަށް ގެންދިޔަ ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވައި ރައީސް ނަޝީދު ވިދާޅުވީ އެއްވެސް ސިޔާސީ ލީޑަރަކީ، އަދި ޕާޓީއަކީ ނުވަތަ ފިކުރަކީ ތާއަބަދަށް ދެމިގެންދާނެ އެއްޗެއް ނޫން ކަމަށާއި، އެ ފަރާތްތަކުން އެކަން ގަބޫލުކުރަން ޖެހޭނެ ކަމަށެވެ.
އަދި އެ މަނިކުފާނަށް ވޯޓު ދޭން ނުފެންނަ މީހަކު ވެސް "ދާންވީ" ކަމަށާއި، ސިޔާސީ ހަޔާތުގައި އޮތް މަގުބޫލުކަން ގެއްލިގެން ދާކަމަށް ގަބޫލު ނުކުރައްވާ ކަމަށް ވެސް ވިދާޅުވިއެވެ.
ރައީސް ނަޝީދު ވިދާޅުވީ އިންތިހާބުގައި ނާކާމިޔާބީއާ ކުރިމަތިލާން ޖެހުނު ނަމަވެސް ސިޔާސީ ހަޔާތާ ދުރަށް ވަޑައިނުގަންނަވާނެ ކަމަށާއި އެއީ ދުރަށް ވަޑައިގަންނަވަން ޖެހޭ ސަބަބެއް ކަމަށް ގަބޫލު ނުކުރައްވާ ކަމަށެވެ.
އިއްޔެ ބޭއްވި ލޯކަލް ކައުންސިލު އިންތިހާބާއި އަންހެނުންގެ ތަރައްޤީއަށް މަސައްކަތް މަސައްކަތް ކުރާ ކޮމިޓީތަކުގެ އިންތިހާބުން، މިހާތަނަށް ނަތީޖާ ދައްކާ ގޮތުުން ބޮޑަށް ކާމިޔާބު ލިބިފައި ވަނީ އެމްޑީޕީއަށެވެ. ނަމަވެސް އިދިކޮޅު ޕީޕީއެމްއިން މުހިންމު ގޮނޑިތަކެއް ވެސް ކާމިޔާބު ކޮށްފައިވާކަން ނަތީޖާއިން ދައްކައެވެ.
އެގޮތުން ފާހަގަ ކޮށްލެވޭ އެންމެބޮޑު އެއް ގޮނޑިއަކީ ޑރ.މުޙައްމަދު މުޢިއްޒު ކާމިޔާބު ކުރެއްވި މާލެ ސިޓީގެ މޭޔަރުކަމުގެ ގޮނޑި ހިމެނެއެވެ.
ގިނަ ބަޔަކު ވަނީ އެމްޑީޕީއަށް ލިބުނު ނާކާމިޔާބީގެ އަސްލަކީ ރައީސް ނަޝީދު ކަމަށް ބުނެފައެވެ.
Ads by STO
