އާންމުން ބޮޑަށް ހަލަބޮލިވާ ސަރަހައްދުތައް ބަލައި އެ ތަންތަނުގައި ފުލުހުން ހަރަކާތްތެރިވަނީ
ރަމަޟާން މަހު މާލޭ އިން އާންމުން ބޮޑަށް ހަލަބޮލިވާ ސަރަހައްދުތަކަށް ފުލުހުން ފޮނުވައި، އެ ސަރަހައްދުތަކުގެ ޓްރެފިކް ފްލޯ ހަމައަކަށް އެޅުވުމުގެ މަސައްކަތް ކުރާނެ ކަމަށް، ފުލުހުން ބުނެފިއެވެ.
ފުލުހުން ބުނީ ރަމަޟާން މަހު އާންމުކޮށް އެންމެ ހަލަބޮލި ސަރަހައްދަކަށް ވެގެން ދާނީ ބާޒާރު މަތި އަދި މިސްކިތްތައް ހުންނަ ސަރަހައްދުތައް ކަމަށާއި އެ ފަދަ ތަންތަނުގައި ތޮށްޖެހުން ކުޑަ ކުރުމަށް ފުލުހުން ހަރަކާތްތެރިވަމުން ދާނެކަމަށެވެ.
އެގޮތުން ގަވާއިދާ ޚިލާފަށް ޕާކު ކޮށްފައި ހުންނަ އުޅަނދުތަކާއި، ގިނަ ދުވަސްވީ އުޅަނދުތަކުގެ އިތުރުން، ގަވާއިދާއި ޚިލާފަށް ހުންނަ އިތުރު ތަކެތި ނަގާނެ ކަމަށް ފުލުހުން ބުނެއެވެ.
މީގެ އިތުރުން ވެސް މާލޭގައި އެންމެ ހަލަބޮލިވާ ސަރަހައްދުތައް ކަނޑައަޅާފައިވާ ކަމަށާއި، އެ ގޮތަށް ބަލައިގެން ކަނޑައެޅި އަށް ސަރަހައްދަކަށް ފުލުހުން އިސްކަންދީ، ބަލަހައްޓަމުން ގެންދާނެ ކަމަށް ފުލުހުން ބުނެފައި ވެއެވެ.
