ލޯކަލް ކައުންސިލް އިންތިޚާބުގައި ވޯޓު އޮޅުވާލި ކަމަށް ބުނެ އިދިކޮޅުން އިންތިޚާބީ މަރުކަޒުތެރެއަށް
2021 ވަނަ އަހަރުގެ ލޯކަލް ކައުންސިލް އިންތިޚާބުގެ ވޯޓު އޮޅުވާލައިފައިވާ ކަމަށް ބުނެ އިދިކޮޅު ފަރާތްތަކުން އިލެކްޝަން ކޮމިޝަންގެ އިންތިޚާބީ މަރުކަޒުތެރެއަށް ވަދެއްޖެއެވެ.
އިދިކޮޅުގެ ގިނަ ބަޔަކު މިވަގުތު އިލެކްޝަންގެ އިންތިޚާބީ މަރުކަޒުގައި ތިބި އިރު، އޭގެ ތެރޭގައި އިދިކޮޅު ޕާޓީތަކުގެ ކެންޑިޑޭޓުންނާއި ސަޕޯޓަރުން ވެސް އެބަ ތިއްބެވެ. އޭގެ ތެރެއިިން ބައެއް ފަރާތްތަކުން ދިވެހި ދިދަ ހިފަހައްޓައިގެން ތިބިއިރު، ވޯޓު ފޮށިތައް ކަނޑައިގެން އިންތިހާބު އޮޅުވާލުމަށް އިލެކްޝަންސް ކޮމިޝަނުން އިސްވެ މަސައްކަތް ކުރަމުން ދާ ކަމަށް އެ ފަރާތްތަކުން ގެންދަނީ ބުނަމުންނެވެ.
އެ ސަރަހައްދުގައި މިހާރު ފުލުހުން ދަނީ ހަރަކާތްތެރި ވަމުންނެވެ. އާންމުން ފޮނުވާލުމަށް ފުލުހުން ކުރި މަސައްކަތްތަކުގެ ތެރޭގައި އެކަކަށް އަނިޔާވުމުގެ ސަބަބުން ފަރުވާއަށް އޭނާ ވަނީ ހޮސްޕިޓަލަށް ގެންގޮސްފައެވެ.
އަދާހަމަ
އިންތިޚާބީ މަރުކަޒުތެރެއަށް ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވަޑައިގެންފިއެވެ. ފުލުހުންނާއި ސިފައިންގެ ހިމާޔަތުގައި ނަޝީދު ވަޑައިގަތުމާއެކު އިދިކޮޅު ސަޕޯޓަރުން ހަމަނުޖެހުން ހިންގަން މަސައްކަތް ކޮށްފައިވާތީ ފުލުހުން ވަނީ އެ ހަމަނުޖެހުން މައިތިރި ކުރުމަށް ޕެޕަރ ސްޕްރޭގެ ބޭނުން ކޮށްފައެވެ.އަދި މިވަގުތު އިންތިޚާބީ މަރުކަޒުތެރޭގައި ހުރިހާ ސިޔާސީ ޕާޓީތަކަކާއި އަމިއްލަ ކެންޑިޑޭޓުންގެ މަންދޫބުންނާއި އޮބްޒާވަރުންނާއި މޮނިޓަރުން އެބަތިއްބެވެ.
Ads by STO
