މިހާތަނަށް 345،000 އަށް ވުރެ ގިނަ ފަތުރުވެރިން ރާއްޖެ އައިސްފި
މި އަހަރުގެ މިހާތަނަށް 345،000 އަށް ވުރެ ގިނަ ފަތުރުވެރިން ރާއްޖެއަށް ޒިޔާރަތް ކޮށްފައިވާ ކަމަށް ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކައިފިއެވެ.
އެގޮތުން އިއްޔެއާ ހަމައަށް މިހާތަނަށް 345،261 ފަތުރުވެރިން ރާއްޖެއަށް ޒިޔާރަތް ކޮށްފައިވާ ކަމަށް ތަފާސް ހިސާބުތަކުން ދައްކައެވެ.
ޓޫރިޒަމް މިނިސްޓްރީން އެންމެ ފަހުން އާންމު ކުރި މައުލޫމާތުތަކަށް ބަލާއިރު މި އަހަރުގެ ޖަނަވަރީ މަހުގައި އެކަނި ވެސް 92,103 ފަތުރުވެރިން ވަނީ ރާއްޖެއަށް ޒިޔާރަތް ކޮށްފައެވެ. އަދި ފެބްރުއަރީ މަހުގައި 96,882 ފަތުރުވެރިން ރާއްޖެއަށް ޒިޔާރަތް ކުރިއެވެ. މާރިޗު މަހުގައި ރާއްޖެއަށް ޒިޔާރަތް ކުރީ 109,585 ފަތުރުވެރިންނެވެ. އަދި މި މަހުގެ މިހާތަނަށް ވެސް 46،691 ފަތުރުވެރިން ވަނީ ރާއްޖެއަށް ޒިޔާރަތް ކޮށްފައެވެ.
ރާއްޖެއަށް އެންމެ ގިނަ ފަތުރުވެރިން އައިސްފައި ވަނީ އިންޑިއާއިންނެވެ. ދެވަނައަށް އެންމެ ގިނަ ފަތުރުވެރިން ރާއްޖެއަށް އައިސްފައި ވަނީ ރަޝިޔާއިންނެވެ. އެއަށް ފަހު ތިންވަނައަށް އެންމެ ގިނަ ފަތުރުވެރިން ރާއްޖެ އައިސްފައި ވަނީ ޔުކްރެއިނުންނެވެ.
ރާއްޖެއަށް ޒިޔާރަތް ކުރާ ފަތުރުވެރިންގެ އަދަދު ދުވަހެއް ދުވަހަކަށް އަންނަނީ އިތުރުވަމުންނެވެ. މިއީ ރާއްޖޭގައި ވެސް ކޮވިޑަށް ވެކްސިން ދެވެން ފެށި ލުއިތައް ދެވެން ފެށުމާއެކު ފަތުރުވެރިކަމުގެ ދާއިރާއަށް ލިބިގެން ދިޔަ ރަނގަޅު އިތުރުވުމެއް ކަމުގައި ވުމަށް ގިނަ ބަޔަކު އުއްމީދު ކުރެއެވެ.
