53 ގޮނޑިއަށް ވާދަކުރި އަދާލަތަށް ލިބުނީ 25 ގޮނޑި ، ތިން ރަށެއްގެ ރައީސުން ހިމެނޭ!
ސަރުކާރު ކޯލިޝަންގައި ހިމެނޭ އަދާލަތު ޕާޓީން ލޯކަލް ކައުންސިލް އިންތިޚާބުންނާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުން 25 ގޮނޑި ކާމިޔާބު ކޮށްފިއެވެ.
މިދިޔަ ހޮނިހިރު ދުވަހު ބޭއްވި މި އިންތިޚާބުގައި އެ ޕާޓީން ވާދަ ކުރީ 53 ގޮނޑިއަށެވެ. އެއީ ލޯކަލް ކައުންސިލްގެ 28 ގޮނޑިއާ އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ 25 ގޮނޑިއަށެވެ.
އިންތިޚާބުގެ ވަގުތީ ނަތީޖާތައް ދައްކާ ގޮތުގައި އަދާލަތުން ހޯދި 25 ގޮނޑީގެ ތެރޭގައި ހިމެނެނީ އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ 11 ގޮނޑިއާއި ރަށު ކައުންސިލްގެ 5 ގޮނޑިއާއި ކައުންސިލްގެ އަންހެނުންގެ ޚާއްޞަ ސްލޮޓްތަކުގެ 4 ގޮނޑިއާއި ރަށު ރައީސްގެ ތިން ގޮނޑިއެވެ.
އަދާލަތުން ހޯދި ރަށްތަކުގެ ރައީސުންނަކީ މިނިވަން ކެނޑިޑޭޓަކާ ވާދަކޮށް ރ.ކިނޮޅަހު ރައީސްކަން ހޯދި އެ ރަށު ފެހިވިލާ އަޙުމަދު ޙުސައިންނާއި އެމްޑީޕީ ބަލިކޮށް ދަރަނބޫދޫގެ ރައީސްކަން ހޯދި އެ ރަށު ހީނާމާގޭ ޢަބްދުލްޙަމީދު އާދަމްގެ އިތުރުން ޕީޕީއެމްއާއި ޖުމްހޫރީ ޕާޓީގެ މައްޗަށް ކުރި ހޯދި ނޮޅިވަރަމް ކައުންސިލްގެ ރައީސްކަން ހޯދި އެ ރަށު ދޮންދުނބުރިގޭ އަޙުމަދު ޙުސައިނެވެ.
ރާއްޖޭގެ މައި ދެޕާޓީގެ އިތުރުން ފަސް ޕާޓީން މި އިންތިޚާބުގައި ވާދަ ކުރިއެވެ. އެއީ ޖޭޕީއާއި އަދާލަތު ޕާޓީގެ އިތުރުން އެމްއާރުއެމްއާއި ލޭބަރ ޕާޓީ އަދި އެމްޑީއޭއެވެ.
ދޮންދުނބުރިގޭ ޔޫސުފް މޫސާ އެވެ.
ނޮޅިވަރަމްް ކައުންސިލްް ގެެ ރައީސްް އަކަށްް ހޮވުނީީ ޔޫސުފްް މޫސާ
އަޙުމަދުު އެއްނޫން