ލިސްޓްގައި ނަން އޮތުމުން ނިޒާރު ސަރުކާރަށް: މިއީ ދައުލަތް ފެއިލް ވެފައިވާ ކަމުގެ ސިފަ

ރައްޔިތުންގެ މަޖިލީހުން، މޯލްޑިވްސް މަރކެޓިންގ އެންޑް ޕަބްލިކް ރިލޭޝަން ކޯޕަރޭޝަން (އެމްއެމްޕީއާރުސީ) ގެ ޚިޔާނާތުގެ މަންފާ ލިބިފައިވާ ފަރާތްތަކުގެ ލިބިފައިވާ ފަރާތްތަކުގެ ލިސްޓް އާއްމު ކުރިއިރު، އެ ލިސްޓްގައި އައްޑޫގެ އިންތިޚާބީ މޭޔަރު އަލީ ނިޒާރުގެ ނަން އޮތުމުން އޭނާ ސަރުކާރަށް ވަރަށް ބޮޑަށް ފާޑުު ވިދާޅުވެއްޖެއެވެ.

Ads by MWSC

ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ މެމްބަރުކަން ވެސް ކުރައްވައިފައިވާ އަލީ ނިޒާރު މިއަދު ކުރެއްވި ޓްވީޓެއްގައި ވިދާޅުވީ، އޭނާގެ ނަންފުޅު ހިމަނައިގެން މަޖިލީހުން ނެރެފައިވާ ލިސްޓަކީ އަބުރު ކަތިލުމަށް ހިންގާފައިވާ ޖަރީމާއެއް ކަށެވެ. އަދި އިންފޯމޭޝަން ކަލެކްޝަން ޖަހައިފައި ވަގެއް ކަމަށް ނިންމައި މީހުން ބަދުނާމުކުރެވިގެން ނުވާނެ ކަމަށް ވިދާޅުވެ އޭނާ ވިދާޅުވީ މިއަދު ފެންނަމުން މިދަނީ ދައުލަތް ފެއިލް ވެފައިވާ ކަމުގެ ސިފަ ކަމަށެވެ.

އެމްއެމްޕީއާރުސީ މެދުވެރިކޮށް ހިންގި ޚިޔާނާތުގެ މައްސަލަ ދިރާސާކުރަމުންދާ މަޖިލީހުގެ ކޮމިޓީއިން ނެރުނު ލިސްޓްގެ 85 ވަނައިގައި ނިޒާރުގެ ނަން ވަނީ ހިމަނައިފައެވެ. ނަމަވެސް ނިޒާރަށް ފައިސާ ލިބިވަޑައިގެންނެވި ގޮތެއް، އަދި ލިބިވަޑައިގެންނެވި މިންވަރެއް ވެސް އެ ލިސްޓުގައި ހިމަނައިފައެއް ނުވެއެވެ. ލިސްޓްގައި ބުނެފައި ވަނީ ނިޒާރުގެ މައްޗަށް ފައިސާ ނެގި ކަމަށް ތުހުމަތު ކުރެވޭ ކަމަށާއި މިހާރު ތަޙްޤީޤް ކުރިޔަށްދާ ކަމަށެވެ.