ހުންގަދަވެގެން މަގުމައްޗަށް ވެއްޓިފައި އޮތް މީހަކު ފެނިއްޖެ

މާލޭގެ މަގުމަތީގައި ވެއްޓިފައި އޮތް މީހަކު ފެނިއްޖެއެވެ.

Ads by STELCO

އެމީހާ ވެއްޓިފައި އޮއްވާ ފެނުނީ ހެންވޭރު ދަނޑު ކައިރިންނެވެ. އެ ސަރަހައްދުގައި އެވަގުތު ހުރި “ދެން”ގެ ނޫސްވެރިޔާ ރިޕޯޓް ކުރި ގޮތުގައި އެމީހާ ވެއްޓިފައި އޮތީ ހުންގަަދަވެ ނޭވާލާން އުނދަގޫވެގެންނެވެ.

އެމީހާ އެ ސަރަހައްދުގައި ވެއްޓިފައި އޮތްކަމުގެ މައުލޫމާތު ލިބިގެން އައިޖީއެމްއެޗްގެ އެމްބިއުލޭންސްއިން ވަނީ އެ ސަރަހައްދަށް ގޮސް އެމީހާއަށް އެޓެންޑު ވެފައެވެ. އަދި އެމީހާ މިހާރު އައިޖީއެމްއެޗަށް ވަނީ ގެންދެވިފައެވެ.

އެމީހާ އަކީ އައްޑޫއަށް ނިސްބަތްވާ މީހެއް ކަމަށް މައުލޫމާތު ލިބެއެވެ.  އޭނާ ވެއްޓިފައި ވަނީ މަޖީދީ މަގުން ހެންވޭރު ދަނޑުގެ ހުޅަނގު ބިތް ކައިރިއަށެވެ.

ހޮސްޕިޓަަލަށް ގެންދިޔަ ފަހުން އެމީހާގެ ހާލު އަދި ސާފުވެފައެއް ނުވެއެވެ.