ކިޔަވާ 9 ޑޮކްޓަރުންނާއި 30 ނަރުހުން ހުޅުމާލޭ ފެސިލިޓީއަށް ޚިދުމަަތަށް!
މެޑިސިން ކިޔަވާ 9 ދަރިވަރުން ހުޅުމާލޭ މެޑިކަލް ފެސިލިޓީގައި މަސައްކަތް ކުރަން ފަށައިފިއެވެ.
އެޗްއީއޯސީން ބޭއްވި ނޫސްވެރިންގެ ބައްދަަލުވުމުގައި މަބްރޫކް ވިދާޅުވީ ހުޅުމާލެ ފެސިލިޓީއަށް އިތުރު ސިއްހީ ޚިދުމަތްތެރިން ގެންދިއުމުގެ މަސައްކަތް ކުރަމުން އަންނަ ކަމަށެވެ. އެގޮތުން ޑޮކްޓަރުކަން ކިޔަވާ 9 ދަރިވަރުން މިހާރު ވެސް އެތަނުގައި މަސައްކަތް ކުރަމުން އަންނައިރު ނަރުސްކަން ކިޔަވާ 30 ދަރިވަރުން މާދަމާއިން ފަށައިގެން އެތަނުގައި މަސައްކަތް ކުރާނެ ކަމަށް އޭނާ ވިދާޅުވިއެވެ.
ނަރުހުން ފެސިލިޓީއަށް ޚިދުމަތަށް ނެރުމުގެ ކުރިން މިއަދު އޮރިއެންޓޭޝަނެއް ދިނުމުގެ މަސައްކަތް ކުރަމުންދާ ކަމަށް މަބްރޫކް ވިދާޅުވިއެވެ.
ހުޅުމާލެ ކޮވިޑް ފެސިލިޓީގައި އަދި މެޑިކަލް ފެސިލިޓީގައި ވެސް ބަލިމީހުންނާ އެކަށީގެންވާ މިންވަރަށް ޚިދުމަތްތެރީން ނުތިބޭކަން ފާހަގަކޮށް ގިނަ ބަޔަކު ދަނީ ކަންބޮޑުވުން ފާޅު ކުރަމުންނެވެ.
