މިރޭ ފަތިސް ނަމާދުން ފެށިގެން މިސްކިތްތައް ބަންދު ކުރަންނިންމައިފި
ކޮވިޑް-19އިން ރައްކާތެރިވުމަށް އެޅި ފިޔަވަޅެއްގެ ގޮތުން ގޮތުން މިރޭ ފަތިސް ނަމާދުން ފެށިގެން ގްރޭޓާރ މާލޭ އޭރިޔާގެ މިސްކިތްތައް ވަގުތީ ގޮތުން ބަންދު ކުރުމަށް އިސްލާމިކް މިނިސްޓްރީން ނިންމަވައިފިއެވެ.
އިސްލާމިކް މިނިސްޓްރީން ނެރެފައިވާ ބަޔާނެއްގައި ވިދާޅުވެފައި ވަނީ މިގޮތަށް ނިންމައިފައި ވަނީ އިސްލާމީ ފަތުވާދޭ އެންމެ މަތީ މަޖިލީހާއި ދީނީ އިލްމުވެރިންގެ ލަފާގެ މަތިން ކަމަށެވެ. އެ މިނިސްޓްރީން ވިދާޅުވެފައި ވަނީ މިފިޔަވަޅު އެޅުމަށް ނިންމާފައިވަނީ މިހާރުގެ ޙާލަތަށް ރިޢާޔަތްކޮށް، އިތުރަށް މިވައިރަސް ރާއްޖޭގައި ފެތުރުން ހުއްޓުވުމަށް ޓަކައި އަޅާ ރައްކާތެރިކަމުގެ މުހިންމު ފިޔަވަޅެއްގެ ގޮތުން ކަމަށެވެ.
އެ މިނިސްޓްރީން ވިދާޅުވި ގޮތުގައި، މިނިންމުން ނިންމާފައި ވަނީ މި މަހު 19 ވަނަ ދުވަހު މިސްކިތުގައި ޖަމާއަތުގައި ނަމާދު ނުކުރެވޭ ގޮތަށް ހެދި ނަމަވެސް ބައެއް ފަރާތްތަކުން އެ އެންގުންތަކަށް ތަބާނުވެ ބައެއް މިސްކިތްތަކުގައި ގައިދުރުކަމެއް ނެތި ޖަމާޢަތް ހަދަމުންދާތީ ކަމަށެވެ.
