އެޗްޕީއޭއިން ބާއްވާ ނޫސްވެރިންގެ ބައްދަލުވުމެއް މިރޭ 10 ޖަހާއިރު

ހެލްތު އެމަޖެންސީ އޮޕަރޭޝަން ސެންޓަރ (އެޗްޕީއޭ)އިން ބާއްވާ ނޫސްވެރިންގެ ބައްދަލުވުމެއް މިރޭ 10 ޖަހާއިރަށް ތާވަލް ކޮށްފިއެވެ.

Ads by STELCO

އެޗްޕީއޭ އިން ވިދާޅުވީ، މިރޭ އޮންނަ ނޫސްވެރިންގެ ބައްދަލުވުމުގައި ހެލްތު މިނިސްޓަރ އަހުމަދު ނަސީމް ބައިވެރިވެ ވަޑައިގަންނަވާނެ ކަމަށެވެ.

މިނިސްޓަރ ނަސީމް މިރޭ ނޫސްވެރިންނާ ބައްދަލު ކުރުމަށް ހަމަޖެހިފައި މިވަނީ ކޮވިޑް-19އަށް ފަރުވާ ހޯދަމުން ދިޔަ އުމުރުން 10 އަހަރުގެ ފާތިމަތު މިޝްކާ މުޙައްމަދު ރޭ ނިޔާވުމާ ގުޅިގެން އޭނާއަށާއި ރާއްޖޭގެ ސިއްޙީ ދާއިރާއަށް އެތައް ބައެއްގެ ފަރާތުން ވަނީ ފާޑުކިޔުން އަމާޒުވެފައި ވަނިކޮށެވެ.

މިޝްކާ ނިޔާވީ އައިޖީއެމްއެޗްގައެވެ. އޭނާއަށް ފަރުވާ ދިނުމުގައި ލަސް ކުރިކަމަށާއި ވަރަށް ބޮޑަށް އިހުމާލުވި ކަމަށް އެ އާއިލާއިން ވެސް ވަނީ މައުލޫމާތު ދީފައެވެ.