ކޮވިޑް ދިފާޢު: މާލެ ސަރަޙައްދުގައި އިއްޔެ ވެކްސިން ނުޖަހާ
އިއްޔެއަކީ ހުކުރު ދުވަސް ކަމުގައި ވާތީ، ކޮވިޑް-19 އިން ދިފާޢުވުމަށް އިއްޔެ މާލެ ސަރަޙައްދުގައި ވެކްސިން ޖަހާފައެއް ނުވެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ ތަފާސް ހިސާބުތަކުން ދައްކާ ގޮތުގައި ކޮވިޑް-19އިން ދިފާޢުވުމަށް އިއްޔެ ވެކްސިންގެ ފުރަތަމަ ޑޯޒް ޖަހައިފައި ވަނީ 100 މީހުންނެވެ. އަދި ދެވަނަ ޑޯޒް ޖަހައިފައި ވަނީ 188 މީހުންނެވެ.
ރާއްޖެއިން މިހާތަނަށް 311،325 މީހުން ކޮވިޑުން ދިފާއުވުމަށް ފުރަތަމަ ޑޯޒް ޖަހައިފައިވެއެވެ. ދެ ޑޯޒް ފުރިހަމަ ކޮށްފައި ވަނީ މިހައިތަނަށް 171،303 މީހުންނެވެ.
ކޮވިޑް-19އަށް ފަސްސިވީ އަދަދުތަކަށް ބަލާއިރު، އެޗްޕީއޭގެ ހިސާބުތަކުން ދައްކައި ގޮތުގައި މިއަދު މާލެއިން ފައްސިވީ 389 މީހުންނެވެ. އަތޮޅުތެރެއިން މި ބައްޔަށް ފައްސިވީ 195 މީހުންނެވެ. އަދި ހިންގަމުން އަންނަ ރިސޯޓުތަކުން ފައްސިވީ 6 މީހުންނެވެ.
މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 67،538 މީހުންނެވެ.
ބަލިން ފަސޭހަވެފައި ވަނީ 47،333 މީހުންނެވެ. އަދި މި ބަލީގައި ރާއްޖެއިން މިހާތަނަށް ނިޔާވެފައި ވަނީ 182 މީހުންނެވެ.
ރާއްޖެއިން ކޮވިޑް-19 އަށް ހޮސްޕިޓަލުތަކުގައި މިވަގުތު ފަރުވާ ދެމުންދަނީ 191 މީހުންނަށެވެ.
