ތިނަދޫގެ އަދަދުތައް އަނެއްކާވެސް މައްޗަށް، އިތުރު 15 މީހުންފައްސިވެއްޖެ
ގދ. ތިނަދޫން އިތުރު 13 މީހުން ކޮވިޑް-19އަށް ފައްސިވެއްޖެއެވެ.
ޑރ. އަބްދުއްސަމަދު މެމޯރިއަލް ހޮސްޕިޓަލުން އެންމެ ފަހުން އާންމުކުރި ތަފާސް ހިސާބުތަކުން ދައްކާ ގޮތުގައި ކޮވިޑަށް ޓެސްޓު ކުރުމަށް ނެގި ސުންކުތަކުގެ ތެރެއިން ނަތީޖާ ނުލިބި 171 ސުންކެއް ވެއެވެ.
ތިނަދޫން މިހާރު 252 މީހުން ކޮވިޑް-19އަށް ފައްސިވެފައިވެއެވެ. އެރަށު ހަރަކާތްތެރި ވޭދަނައިގެ ގޮތުގައި 81 މީހުން އެބަތިއްބެވެ.
މި ބައްޔަށް ފައްސިވީ މީހުންގެ ތެރެއިން 171 މީހުން ތިނަދޫން ވަނީ ފަސޭހަވެފައެވެ.
ތިނަދޫގެ ތަފާސް ހިސާބުތައް ދައްކާ ގޮތުން، އެރަށުން މިހާތަނަށް ޖުމްލަ 3442 ސާމްޕަލެއް ނަގައިފައިވެއެވެ. އޭގެ ތެރެއިން 2492 މީހަކު ވަނީ ބައްޔަށް ނައްސިވެފައެވެ.
އޭޕްރީލް 24ވަނަ ދުވަހު ތިނަދޫގައި ގޭގެ ކަރަންޓީނުގައި ހުރި ދެ މީހަކު ފައްސިވެފައި ވެއެވެ. އޭގެ ތެރެއިން މީހަކާ އެއްތާވި ކަރަންޓީނުގައި ނެތް ފަރާތެއް ފައްސިވުމާ އެކު ތިނަދޫ ވަނީ މޮނީޓަރިން ހާލަތަށް ގެނެވިފައެވެ.
ތިނަދޫ ޑރ.ޢަބްދުއްޞަމަދު މެމޯރިއަލް ހޮސްޕިޓަލުން ވަނީ ރައްކާތެރިކަމުގެ ފިޔަވަޅުތައް އެޅުމަށް އާންމުންނަށް އިލްތިމާސްކޮށްފައެވެ. އަދިކޮންޓެކްޓް ޓްރޭސިންއާ ގުޅޭ އެއްވެސް މައުލޫމާތެއް ހިއްސާ ކުރައްވަން ބޭނުންފުޅު ނަމަ ތިނަދޫ ކޮވިޑް ހޮޓްލައިން ނަންބަރު 7934641އާ ގުޅުއްވައި މައުލޫމާތު ހިއްސާ ކުރެއްވުމަށް ވެސް އެ ހޮސްޕިޓަލުން އެދެއެވެ.
ތިނަދޫގައި ކޮވިޑް-19ގެ ހާލަތު ގޯސްވެފައިވުމާ ގުޅިގެން އެ ރަށުގައި ވެސް މިވަގުތު ވަނީ ކާފިއު އިއުލާނު ކޮށްފައެވެ.
