ފަތުރުވެރިކަމަށް ދޫކުރާ 7 ރަށަކަށް 13 ބީލަމެއް ހުށަހަޅައިފި

ފަތުރުވެރިކަމުގެ ސިނާޢަތަށް ބީލަން އުސޫލުން ދޫކުރި ހަތް ރަށަކަށް 13 ފަރާތަކުން ބީލަން ހުށަހަޅައިފިއެވެ.

Ads by Sosun Fihaara

މިނިސްޓްރީ އޮފް ޓޫރިޒަމް އިން ވަނީ ބީލަމުގެ އިތުރުން ކުއްޔަށް ދޫކުރުމުގެ އުސޫލުގެ ދަށުން ދޫކުރުމަށް 16 ރަށެއް ކަނޑައަޅައިފައެވެ.

އެގޮތުން ރިސޯޓު ގޮތުގައި ތަރައްގީ ކުރުމަށް މިނިސްޓްރީން ކަނޑައަޅައިފައިވާ 16 ރަށް ތިރީގައި އެވަނީއެވެ.

1. ހއ. ވެލިފިނޮޅު
2. ހއ. އަލިދުއްފަރުފިނޮޅު
3. ހދ. ކުޑަފަރުފަސްގަނޑު
4. މ. ސީދީހުރާ އަދި ސީދީހުރާ ވެލިގަނޑު (ސީދީހުރާއާއި އެކު)
5. މ. މާއުސްފުށި
6. ތ. ކާއްޑޫ
7. ތ. ކަނިމީދޫ (އުތުރު ފަރާތުން) 10 ހެކްޓަރުގެ ބިން
8. ތ. އޮޅުފުށި (އޮޅުފުށިފިނޮޅާއި އެކު) އަދި ތ. އޮޅުފުށިފިނޮޅު
9. ލ. ކަށިދޫ
10. ލ. ބޮޑުމުންޏަފުށި
11. ލ. ދޮންބެރަހާ (ހޮޅުރަހާ އާއެކު) އަދި ލ. ހޮޅުރަހާ
12. ގއ. މާރެހާ
13. ގއ. ފުނަދޫވިލިގިއްލާ
14. ގދ. ކަނޑަހަލަގަލާ
15. ގދ. ކަޑެވާރެހާ (ދިގުރެހާ އާއެކު) އަދި ގދ. ދިގުރެހާ
16. ގދ. ފެރޭތަވިލިގިއްލާ (ކްލަސްޓަރއެއްގެ ގޮތުގައި) އަދި ދެކަނބާ (ފެރޭތަވިލިގިއްލާއާއި އެކު)، ކޮޑެރަޓާ (ފެރޭތަވިލިގިއްލާއާއި އެކު)، (ކޯޑިނޭޓްސްގައި ހިމެނޭ ރަށް)، (ފެރޭތަވިލިގިއްލާއާ އެކު)

އިއްޔެ ބީލަން ހުށަހެޅުމުގެ ކަންކަން ކުރިއަށް ގޮސްފައިވާއިރު، މިނިސްޓްރީން ވިދާޅުވީ، އިއްޔެ އެކަނި 18 ބީލަން ފޮތް ގަނެފައިވާ ކަމަށާއި، ނުވަ ފަރާތަކުން ތަފާތު ހަތް ރަށަކަށް ޖުމުލަ 13 ބީލަން ހުށަހަޅައިފައިވާ ކަމަށެވެ.

މީގެ އިތުރުން ހުށައެޅިފައިވާ ޕްރޮޕޯޒަލްތަކުގެ ތެރެއިން އެންމެ މަތިން ހުށައަޅާފައިވާ ލީޒް އެކުއިޒަން ކޮސްޓްގެ ފަރަގު މިނިމަމް ލީޒް އެކުއިޒިޝަން ކޯސްޓްގެ 140 އިންސައްތައަށް ވުރެ އިތުރު ކަމަށް ވެސް ޓޫރިޒަމް މިނިސްޓްރީން ވިދާޅުވިއެވެ.