ޤައުމުތަކާ ގުޅުން ދެމެހެއްޓުމުގައި އިސްކަންދޭން ވާނީ އަމިއްލަ ޤައުމުގެ މަސްލަހަތަށް: އުގައިލް
ބޭރުގެ ޤައުމުތަކާ ގުޅުން އުފައްދާއިރު އެންމެ އިސްކަމެއް ދޭންވާނީ އެ ޤައުމެއްގެ އަމިއްލަ މަސްލަޙަތަށް ކަމަށް ޕްރޮފެސަރ ހުސެއިން އުޤައިލް ވިދާޅުވެއްޖެއެވެ.
މިއަދު ކުރެއްވި ޓްވީޓެއްގައި އުގައިލް ވިދާޅުވީ، ބޭރުގެ ޤައުމުތަކާއި ގުޅުންތައް އުފައްދާ، އެ ގުޅުންތައް ދަމަހައްޓަން ޖެހޭނެ ކަމަށާއި އެހެން ނަމަވެސް މިކަން ކުރުމުގައި އެންމެ އިސްކަމެއް ދޭން ޖެހޭނީ އެ ޤައުމެއްގެ އަމިއްލަ މިނިވަންކަމަށާއި އިސްތިޤްލާލާއި އަމިއްލަ މަސްލަހަތު ދިފާޢު ކުރުމަށް ކަމަށެވެ.
އުގައިލް މިމޭރުމުން ވާހަކަފުޅު ދައްކަވައިފައި ވަނީ އިންޑިއާ އަދި ރާއްޖޭގެ ގުޅުމާ ބެހޭ ގޮތުން ކަމަށް ލަފާ ކުރެވެއެވެ. މީގެ ކުރިން ވެސް އުގައިލް ވަނީ ސަރުކާރުން ބައެއް ޤައުމުތަކާ މާބޮޑަށް ގުޅުން ބާއްވާކަން ފާހަގަކޮށް އެކަމާ ކަންބޮޑުވުން ފާޅުކޮށްފައެވެ. އަދި އިންޑިއާއިން އުގައިލްގެ އުފަން ވަޒަން ، އައްޑޫގައި ކޮންސިއުލޭޓެއް އެޅުމަށް އިންޑިއާއިން ކުރަމުންދާ މަސައްކަތާ ދެކޮޅަށް އެމަނިކުފާނު ފާޅުގައި ދަނީ މަސައްކަތް ކުރައްވަމުންނެވެ.
އައްޑޫ ސިޓީގައި އިންޑިއާގެ ކޮންސިއުލޭޓެއް ގާއިމުކުރުމަށް އިންޑިއާ ސަރުކާރުގެ ކެބިނެޓުން ނިންމައިފައިވާއިރު، އަދި ސަރުކާރުން މިކަމުގައި ވަކި ގޮތެއް ނިންމައިފައެއް ނުވެއެވެ.
ރައީސް ޞާލިހްގެ ވެރިކަމުގައި އިންޑިއާއިން ދަނީ ރާއްޖެއަށް އެކި ގޮތްގޮތަށް އެހީތެރިކަން ފޯރުކޮށްދެމުންނެވެ. އެހެން ނަމަވެސް އެހީތަކާ އެކު އިންޑިއާގެ ބޭރު ރާއްޖޭގައި ގަދަވަމުން އަންނަ ކަމަށް އިދިކޮޅުން ފާހަގަ ކުރެއެވެ.
ޥަރަށް ރަގަޅު ވާހަކަފުޅެއް. އުގައިލުގެ ވާހަކަފުޅަކީ މިވަޤުތު މިޤައުމުގެ ޙާލަތައް ވިސްނަވާ ވިދާޅުވި ވާހަކަފުޅެއް.
ސާހިދުގޮންޑިހޯދ ރާއްޖ ވިއްކާލައިގެންް މިހާރ އިންޑިޔާގ މަސްލަހަތަކ މިގައުމުގެމަސްލަހަތު