ރަނގަޅު ގޮތް ބުނެދިނުމުން ޝަޚްސު ކަތިލުމަކީ މިނިސްޓްރީން ކުރެއްވި ޒިންމާދާރުކަން ކުޑަ ކަމެއް: ޑރ. ޝަހީމް
ރަނގަޅު ގޮތް ބުނެދިނުމުން ޝަޚްސު ކަތިލުމަކީ އެޑިއުކޭޝަން މިނިސްޓްރީން ކުރެއްވި ވަރަށް ޒިންމާދާރުކަން ކުޑަ ކަމެއް ކަމުގައި ކުރީގެ އިސްލާމިކް މިނިސްޓަރ ޑރ. މުޙައްމަދު ޝަހީމް އަލީ ސައީދު ވިދާޅުވެއްޖެއެވެ.
އެޑިއުކޭޝަން މިނިސްޓަރު ޑރ. އައިޝަތު ޢަލީ ޓެގް ކުރައްވައި ޑރ. ޝަހީމް މިއަދު ކުރެއްވި ޓްވީޓެއްގައި ވިދާޅުވީ، ރަނގަޅު ގޮތް ބުނެދިނުމުން ޝަޚްސު ކަތިލުމަކީ އެޑިއުކޭޝަން މިނިސްޓްރީން ހިންގެވި ވަރަށް ޒިންމާދާރުކަން ކުޑަ ކަމެއް ކަމުގައެވެ.
ޑރ. ޝަހީމް މިހެން ވިދާޅުވެފައި މިވަނީ، ކީރިތި ޤުރުއާނުގެ ބައެއް އާޔަތްތައް ބައެއް ގްރޭޑްތަކުގެ ފޮތްތަކުގައި ނުބައިކޮށް ލިޔެވިފައި ވަނީ ކުރީގެ ސަރުކާރުގައި ކަމަށް އެޑިއުކޭޝަން މިނިސްޓްރީގެ ސްޓޭޓް މިނިސްޓަރ އަބްދުﷲ ރަޝީދު ވިދާޅުވުމާ ގުޅިގެންނެވެ.
އެ މިނިސްޓްރީން މިއަދު ބޭއްވި ނޫސްވެރިންގެ ބައްދަލުވުމެއްގައި ޢަބްދުﷲ ރަޝީދު ވިދާޅުވީ ރާއްޖޭގެ ސްކޫލުތަކުގައި ކިޔަވައިދެމުން އަންނަ ޤުރުއާން އަދި އިސްލާމް ފޮތްތަކުގައި ޤުރުއާނުގެ ބައެއް އާޔަތްތައް ނުބައިކޮށް ލިޔެފައި ވަނީ 2015 ވަނަ އަހަރު ކަމަށާއި އެއިރު އިސްލާމިކް މިނިސްޓަރުކަމުގައި ހުންނެވީ ވެސް ކުރެއްވި ޑރ. ޝަހީމް ކަމަށެވެ.
އަބްދުﷲ ރަޝީދު އިތުރަށް ވިދާޅުވީ، ދެ ފޮތެއްގައި ޤުރުއާންގެ އާޔަތްތަކުގައި މައްސަލަ ޖެހިފައި ވަނީ ޑރ.ޝަހީމް އިސްލާމިކް މިނިސްޓަރު ކަމަށް ހުންނެވިއިރު ނެރުނު ފޮތްތަކެއްގައި ކަމަށެވެ. އަދި އެ ކުށްތައް ނުފެނި މިއަދާ ހަމައަށް ވެސް ޕްރިންޓްވަމުން އަންނަ ކަމަށް އޭނާ ވިދާޅުވިއެވެ. ނަމަވެސް މައްސަލަ ހުރި ބައެއް ފޮތްތަކުގެ ފުރަތަމަ ޗާޕު ނެރެފައި ވަނީ 2019 ވަނަ އަހަރުއެވެ. އަދި އެފަދަ ބައެއް ފޮތްތަކުގެ ދެވަނަ ޗާޕު ނެރެފައި ވަނީ މި އަހަރުއެވެ.
ޜަސީދު ދެފުށައް ކެޑޭވަރު. ޕީޕީއެމް އައީމަ ގެއަށް ލާނަށް.. ތައްޔާރުވޭ މިހާރު
ކޮންމެ ކަމެއްަގައިވެސް ދޮގު ހެދުމަކީ މިސަރުކާރުގެ އެންމެ ބޮޑު އަމާޒު
ޢަބުދުﷲ ރަޝީދު މެން ސަރުކާރަށް އައީ ކުރީސަރުކާރުގައި ގޯސްކޮށް ކޮށްފާހުރި ކަންތައްތައް ރަނގަޅު ކުރުމަށް ކަމަށްވާއިރު އެސަރުކާރުގެ ވަޒީރުން ތަކެއް ގޯސްކޮށް ކޮށްފައިހުރި ކަންތައްތައް އެވަޒީރު އަމިއްލައަށް ބުނުމުގެ ކުރިން ޢަބުދުﷲ ރަޝީދު މެންނަށް ނޭގުނުކަމީވެސް ކުރީ ސަރުކާރުގެ މައްސަލައެއް ދޮގެއްތޯ؟ އަންނަނީ ހަމަ ހިނި
ރަނގަޅު ގޮތް ބުނެދިނުމަށްފަހު މައިތިރިވެގެން ނުހުރެވޭތީ ވާގޮތް… އަމިއްލަ ގައުމާއި ދީނަށް ވުރެން ޕާޓީ އިސްކުރެވޭތީ ވާގޮތް..
އޭއަދި ސަޚްޞު ކަތިލީ ކަމަކަސް ނުވާނެ. ކިތަންމެ މޮޅު މީހަކަސްވެސް ހަމަ ކުށެއް ކުރެވިފައ އޮވެދާނެ. ބަލާ ދިރާސާކުރާ މީހުން އެކޮށެއްހޯދައިފިނަމަ އަވަހަށް އެކުށަށް މަޢާފާށް އެދި އެކުށަކީ ރަނގަޅު ކުރެވެން އޮތްކުށެއްނަމައެކަމެއް ރަނގަޅުކޮށްލުމާއެކު އެކަމަށް މަޢާފް އެދުމާއި އަދި މަޢާފް ކުރުމަކީވެސް ހަމަ އެންމެރީތިގޮތް. ބެލެނިވެރިންވެސް ދަރިވަރުން ކިޔަވަނެ އެއްޗެއް ކިޔަންދޫކޮށްލާފަ ތިބޭކަން މީން މި އެނގެނީ. ގްރޭދް 2 ގެ ދަރިވަރަކު ފިލާވަޅުކިޔާއިރު އެކިޔާއެއްޗެސް ނޭނގޭވަރުގެ ބެލެނިވެރިންނެއް ނޫން މާލެޔަކު މިއުޅެނީކީއެއް، ހަމަކިޔަވައިގެން ތިބި ޢިލްމީ ބެލެނިވެރިން.. އެކަމަކު ތިމާގެ ދަރިރޯނުބައިކޮށް ކިޔެވިކަންވެސް ރޭކާލާވަރެއްނުވި. އެހެންނުވާނީ ކޮންމެ މީހަކުވެސް ދަރިބަލަން މީހަކާޙަވާލުކޮށްފަ ގޮސް އޮންނާނީ ކޮފީޓޭބަލެއްގެ މަތީ ނޫނީވިއްޔާ ކޮންމެސް ކްލަބްހައުސްއެއްގަ ތިމަގެ މޮޅުކަންބުނަން، މީރު އަމިއްލަސޯޓު ބޭލިފަ އޮންނަކަންވެސް ރޭކާވެސް ނުލާނެ. ދެން ކޮންވާހަކަޔެއް ދައްކާކަށް. ދަރިންގެ ފުރަތަމަ މުދައްރިސަކީ މައިންބަފައިންކަމާ ދަރިންގެ ފުރަތަމަ މަދަރުސާއަކި މައިމީހާގެ އުނގު ކަމަށް ޤަބޫލު ނުކުރެވޭނީސް މީންއެއްކަމެއްވެް ރަނގަޅެއްނުކުރެވޭނެ.