މަޙްލޫފްގެ މެސެޖެއް ޤައުމީ ޓީމަށް: ކުރާ މަލާމާތަށް ނުބަލައި ހިތްވަރު ކުރާތި!
ސާފް ޗެމްޕިއަންޝިޕްގައި ރޭ ރާއްޖެ ކުޅުނު ފުރަތަމަ މެޗާ ގުޅިގެން މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަމެންޓް އަޙުމަދު މަޙްލޫފް، ރާއްޖޭގެ ޤައުމީ ޓީމަށް ހިތްވަރު ދެއްވައިފިއެވެ.
ދެކުނު އޭޝިއާ ސަރަޙައްދުގެ އެންމެ ބޮޑު ފުޓުބޯޅަ މުބާރާތް ކަމުގައިވާ ސާފް ޗެމްޕިއަންޝިޕްގައި ރާއްޖެއާއި ނޭޕާލު ރޭ ކުޅުނު މެޗުގައި، ނޭޕާލު ވަނީ ރާއްޖެގެ މައްޗަށް 0-1އިން ކުރި ހޯދައިފައެވެ. އަމިއްލަ ޤައުމުގައި، އަމިއްލަ ދަނޑުގައި ކުޅުނު މި ފަހަރުގެ ފުރަތަމަ މެޗުން ބަލިވެ ތިން ޕޮއިންޓު ގެއްލުމުން ދިވެހި ޤައުމީ ޓީމަށް ވަނީ އެތައް ބައެއްގެ ފާޑުކިޔުން އަމާޒުވެފައެވެ.
މިކަމާ ގުޅިގެން މަޙްލޫފް ރޭ ކުރެއްވި ޓްވީޓެއްގައި ވަނީ، ކުރާ މަލާމާތަކަށް ނުބަލައި ކުރިއަށް ދިޔުމަށް ވިދާޅުވެ ޤައުމީ ޓީމަށް ހިތްވަރު ދެއްވައިފައެވެ.
"ޓީމު ވަރަށް ގަދަ، ރަނގަޅަށް ކުޅެ ފުރުސަތުގެ ބޭނުން ނުހިފުނީ. ޖަހާ ޖޯކަކަށް އަދި ކުރާ މަލާމާތަކަށް ނުބަލާ އިތުރު ހިތްވަރާއެކު ބަނގްލަދޭޝް މެޗު ކާމިޔާބުކުރަން އަޒުމް ކަނޑައަޅަންވީ. އިރާދަކުރެއްވިއްޔާ ކާމިޔާބުވާނެ އަދި މިފެށުނީ" މަޙްލޫފް ވިދާޅުވިއެވެ.
ރޭގެ މެޗުން ބަލިވުމުގެ ސަބަބުން ބައެއް މީހުން ބުނެފައި ވަނީ އެކަން އެގޮތަށް ދިމާވީ، ޓީމުގައި ހިމެނޭ ބައެއް މެންބަރުންގެ ސަބަބުން ކަމަށެވެ. އަނެއް ބަޔަކު ބުނީ، ޤައުމީ ޓީމު ރޭގެ މެޗުން ބަލިވީ ވިއްސާރަވުމުގެ ސަބަބުން ދަނޑު ކިސަޑުވެ، ރަނގަޅު ކުޅުމެއް ނުދެއްކުނީ ކަމަށެވެ.
ސޭފުޗެމްޕޭނުގޭ އަހުން އެންމެ ކަށަވަރު ކުރާ ދެ މެޗަކީ ނޭޕާލާ ބޫޓާނާ ދެކޮޅަށް ކުޅޭ މެޗުތައް. އެއީ އަބަދުވެސް ގެރެންޓީ 3 ޕޮއިންޓު. އަމިއްލަ ފަސްގަނޑުގޭ ނޭޕާލު މީހުން ދިވެހިންނަށް ގެވެށި އަނިޔާ ކޮށްފި. ނޭޕާލުން، ބޯޅަޔާ ކުޅުން ވަރަށް ތަރައްޤީކޮށްފި. އަހަރުމެންގެ އެފުއޭއެމު އޮތީ ސިޔާސީ މަސައްކަތުގައި. ސޭފުގެ އެންމެ ދަށް ޓީމުތައް އަރާ ދިވެހި ޓީމު މޮޔަ ހަދާލީމާ ގައުމީ ޓީމުގެ ހާލަތު ސޭފުވެެއްޖެ.
ޤައުމީޓީމަށް މަލާމާތްކުރާނެ ބަޔަކު ނުތިބޭނެ މީއެންްެންގެވެސް ޤައުމު ކޮންފޮންޏެއް ކަނޑާކަށް.