ޚާއްސަ އެހީއަށް ބޭނުންވާ ފަރާތްތަކަށް އެއަރޕޯޓް ލައުންޖް ބޭނުން ކުރެވޭގޮތް ހެދުން މާ ރަނގަޅުވާނެ: ޑރ.ޝަހީމް
ވެލާނާ އިންޓަރނޭޝަނަލް އެއަރޕޯޓްގެ ލައުންޖް މަޖިލިސް މެންބަރުންގެ އާއިލާއަށާއި އިޚްތިޔާރު ކުރާ ދެ މީހަކަށް ހިލޭ ލިބޭ ގޮތަށް މަޖިލީހުގެ ކޮޓީން ނިންމައިފައިވާތީ އެކަމަށް ކުރީގެ އިސްލާމިކް މިނިސްޓަރ ޑރ.ޝަހީމް އަލީ ސަޢީދު މިއަދު ވަރަށް ބޮޑަށް ފާޑު ވިދާޅުވެއްޖެއެވެ.
ރައްޔިތުންގެ މަޖިލީހުގެ މެމްބަރުންނަށް ވެލާނާ އިންޓަނޭޝަނަލް އެއާޕޯޓްގެ ވީއައިޕީ ލައުންޖުގެ ހިދުމަތް ހޯއްދެވުމާ ގުޅޭގޮތުން ހުށަހަޅުއްވައިފައިވާ މައްސަލައިގައި މިދިޔަ ހަފްތާގެ ބުދަ ދުވަހު ސިއްރު ކޮމިޓީ ބައްދަލުވުމެއް ވަނީ ބާއްވައިފައެވެ. އަދި މިބައްދަލުވުމުގައި މަޖިލީހުގެ މެންބަރުންނަށް ދެވޭނެ ޚިދުމަތްތައް ދިރާސާކޮށް ، ގޮތް ނިންމުގެ ބާރު މަތިކޮށްފައިވާ އާންމު ކޮމިޓީން ވަނީ މެންބަރުންނަށާއި އެ މެންބަރެއްގެ އާއިލާއަށް މިހާރު ލިބޭ ލައުންޖުގެ ހިދުމަތުގެ އިތުރުން، އެ މެންބަރަކު ހިޔާރުކުރާ އިތުރު ދެ މީހަކަށް އެ ހިދުމަތް ލިބޭ ގޮތަަށް ނިންމައި ފާސްކޮށްފައެވެ.
މިކަމާ ގުޅިގެން މިއަދު ޝަހީމް ކުރެއްވި ޓްވީޓެއްގައި ވިދާޅުވީ، ޢާއްމު ރައްޔިތުންނަށް ބޭނުންކުރެވޭ ގޮތް ހެދުން މާ ހެޔޮކަން ބޮޑު ކަމަށާއި ވަކިން ޚާއްޞަކޮށް ޚާއްޞަ އެހީތެރިކަމަށް ބޭނުންވާ ފަރާތްތަކަށް އެފުރުޞަތު ދިނުން މާއައުލާކަން ބޮޑު ކަމަށެވެ.
މަޖިލިސް ތަޅުމުގައި ވޯޓްލާން ވެސް ނުޖެހޭ މި ނިންމުން ނިންމާފައިވާއިރު މަޖިލީހުގެ ރިޔާސަތަކުން މީގެ ކުރިންވަނީ މިކަން މިގޮތަށް ކުރަން ފުރުސަތު ނުދޭނެ ކަމަށް ވިދާޅުވެފައެވެ.
ހަމަ އަގު ދައްކައިގެން ކޮންމެ މީހަކަށްވެސް ބޭނުން ކުރެވޭގޮތް ހެދުމާއި މަޖިލިސް މެންބަރުންނާއި ސަރުކާރުގެ ވެރިންވެސް ފައިސާ ދައްކާފަ ބޭނުންކުރުން މާރަނގަޅު ނޫންތޯ. މެންބަރުން ނަށް އިތުރު މީހަކު ބައިވެރި ވެވޭގޮތް ހަދާނަނަ އަމިއްލަ ޖީބުން ފައިސާދައްކާފަ ބައިވެރިކުރުމާއި …..
ހައްތާވެސްގިނަފައިސާލިބޭމީހުންނައްތަ ހުރިހާކަމެއްފުރީވާންވީއަހަރެމެންއުޅެއް މިޖެހެނީވިއްސާރަޔާނިވާނުވެގެން ހިތްފުރޭނީކިހާވަރެއްވީމަތޯ