މަކަރާއި ހީލަތުން މީހެއްގެ އަތުން ފައިސާ ހޯދައިފައިވާ މައްސަލައެއްގައި މީހަކު ހޯދަނީ
މަކަރާއި ހީލަތުން މީހެއްގެ އަތުން ހޯދައިފައިވާ މައްސަލައެއްގެ ތަހުގީގަށް ހާޒިރުވުމަށް އެމީހާގެ ވަނަވަރު ފުލުހުން އާންމުކޮށްފިއެވެ.
ފުލުހުން ވިދާޅުވީ ރ. މަޑުއްވަރީ ޕޮލިސް ސްޓޭޝަނުން ތަހުގީގު ކުރަމުންދާ، މަކަރާއި ހީލަތުން މީހެއްގެ އަތުން ފައިސާ ހޯދާފައިވާކަމަށް ތުހުމަތުކުރެވޭ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދުކުރެވިފައި ނުވާތީއާއި އާއިލާއަށް ވެސް އުޅޭ ވަކިތަނެއް އެނގިފައި ނުވާތީ، ޖިނާއީ މައްސަލަތައް ތަޙުޤީޤުކުރުމުގައި ފުލުހުން ޢަމަލުކުރާނެ އިޖުރާއަތުގެ ޤަވާއިދުގެ 27 ވަނަ މާއްދާގައިވާ ގޮތުގެ މަތިން ތަހުގީގަށް ހާޒިރުވުމަށް އަންގައި އިއުލާނުކުރާ ކަމަށެވެ.
ފުލުހުން ވިދާޅުވީ ތަހުގީގަށް ހާޒިރުވާން އަންގައިފައި ވަނީ ރަޒާއުލް ކަރީމް، ބަނގްލަދޭޝް ކަމަށެވެ.
އޭނާ ހާޒިރުކުރެވެނީ މަކަރާއި ހީލަތުން މީހެއްގެ އަތުން ފައިސާ ހޯދާފައިވާކަމަށް ތުހުމަތުކުރެވޭ މައްސަލައިގެ ތަހުގީގުގައި ސުވާލުކުރުމަށެވެ.
ފުލުހުން ވިދާޅުވީ އޭނާ ހާޒިރުވާން ޖެހެނީ ރ. މަޑުއްވަރި ޕޮލިސް ސްޓޭޝަން، 2021 އޮކްޓޯބަރ 15 ވަނަ ދުވަހުގެ 10:00އަށް ކަމަށެވެ.
