ފޭރިގަނެފައިވާ ފަލަސްތީނުގެ ބިމުގައި އިސްރާއިލުން 3 ހާސް ގެ އަޅަނީ!
ފަލަސްތީނުގެ ހުޅަނގު އައްސޭރީން އިސްރާއީލުން ފޭރިގަނެފައިވާ ބިމުގައި 3000 ގެ އެޅުމަށް އިސްރާއީލުން ފާސްކޮށްފިއެވެ.
އިސްރާއިލުން ބުނީ ފަލަސްތީނުގެ ވެސްޓް ބޭންކްގައި 1344، ހައުސިން ޔުނިޓު އެޅުމުގެ ޕްލޭންތައް ކުރެވެމުން ދާކަމަށާއި 1800 ހައުސިން ޔުނިޓު އެޅުމުގެ މަސައްކަތް މިހާރު ވެސް ފަށައިފައިވާ ކަމަށެވެ.
ފަލަސްތީނުގެ ރައީސް މަހްމޫދް އައްބާސް ވަނީ އިސްރާއީލުގެ މިއަމަލު ކުށްވެރިކޮށްފައެވެ. އަދި މި ނިންމުން ބަދަލު ކުރުވުމަށް ބައިނަލް އަގުވާމީ ގޮތުން ފަލަސްތީނަށް އެހީވުމަށް ވެސް މަހްމޫދް އައްބާސް ވަނީ ގައުމުތަކަށް ގޮވައިލައްވައިފައެވެ.
ހައްދުފަހަނަ އަޅައިފައިވާ އިސްރާއީލުން ދަނީ މެދުކެނޑުމެއް ނެތި ފަލަސްތީނުގެ ރައްޔިތުންނަށް ފުރައްސާރަކޮށް އަނިޔާ ދެމުންނެވެ. އަދި ފަލަސްތީނުގެ ބިންތަކަކީ އިސްރާއީލުގެ ބިންތައް ކަމުގައި ކަނޑަައަޅައި ފަލަސްތީނުގެ ބިންތައް ފޭރުމުގެ ޕްރޮފެގެންޑާތައް މެދުކެނޑުމެއް ނެތި އިސްރާއީލުން ގެންދަނީ ކުރިއަށެވެ. މި ޕްރޮފެގެންޑާގެ ދަށުން ފަލަސްތީނުގެ ބިންތަކަކީ އިސްރާއީލުގެ ބިންތައް ކަމުގައި ކަނޑަައަޅައި ފަލަސްތީނުގެ ނިކަމެތި ރައްޔިތުންނާ ހަނގުރާމަކޮށް ބޮޑެތި ގަތުލްއާއްމުތައް ދޭތެރެ ދޭތެރެއިން ހިންގައެވެ.
އިސްރާއީލުގެ އަނިޔާވެރި މި ޕްރޮފެގެންޑާގައި އެގައުމަށް އެންމެ ބޮޑަށް ވާގިވެރިވެދޭ ގައުމަކީ އެމެރިކާއެވެ.
