ރައީސް ނަޝީދު މިފަހަރު މޮނިކާއާ އެކު!

މަޝްހޫރު ސިޓްކޮމް "ފްރެންޑްސް"ގެ މޮނިކާ ގެލާ ކެރެކްޓާ ކުޅުނު ތަރި ކޯރޓެނީ ކޮކްސްއާ އެކު ރައްޔިތުންގެ މަޖިލީހުގެ ރައީސް މުހައްމަދު ނަޝީދު ނެންގެވި ފޮޓޯއަށް ގިނަ ބައެއްގެ ސަމާލުކަން ލިބިއްޖެއެވެ.

Ads by MWSC

ރައީސް ނަޝީދު ގެންދަވަނީ މަޝްހޫރު ބޭފުޅުންނާ ތަފާތު ހަފްލާތަކުގެ ތެރެއިން ބައްދަލު ކުރައްވަމުންނެވެ.

ކޯރޓެނީގެ އިންސްޓަރގްރާމް ސްޓޯރީގައި ޝެއަރ ކޮށްފައިވާ މި ފޮޓޯއަކީ، އޭނާ ޕްރޮޑިއުސްކުރާ ޑޮކިއުމެންޓްރީ، "ސޯފީ އެންޑް ދަ ބެރަން"ގެ ލޯންޗިން ހަފްލާގައި ނަގައިފައިވާ ފޮޓޯއެކެވެ. މި ފޮޓޯ ނަގައިފައި ވަނީ ލަންޑަންގައެވެ.

"ސޯފީ އެންޑް ދަ ބެރަން"އަކީ މަޝްހޫރު މެގަޒިން ފޮޓޯގްރަފަރ ބެރަން ވޮލްމަންގެ ކެރިއަރުގެ މައްޗަށް ބިނާކޮށް އުފައްދާ ޑޮކިއުމެންޓްރީއެކެވެ. މި ޑޮކިއުމެންޓްރީ ޕްރޮޑިއުސްކުރަނީ ކޯރޓެނީ ކޮކްސްއެވެ.