12 ސުކޫލަކަށް ޕްރިންސިޕަލުން ހޯދުމަށް އިއުލާނުކޮށްފި

12 ސުކޫލަކަށް ޕްރިންސިޕަލުން ހޯދުމަށް އެޑިއުކޭޝަން މިނިސްޓްރީން މިއަދު އިއުލާނުކޮށްފިއެވެ.

Ads by Sosun Fihaara

އެޑިއުކޭޝަން މިނިސްޓްރީން ކޮށްފައިވާ އިއުލާނުގައި ޕްރިންސިޕަލުން ބޭނުންވާކަމަށް ވިދާޅުވެފައިވާ ސުކޫލުތަކަކީ  ހއ. ފިއްލަދޫ ސުކޫލު ، ށ. ގޮއިދޫ ސުކޫލު ، ހއ. ވަށަފަރު ސުކޫލު، ހއ. ބާރަށު ސުކޫލު، ހދ. ހިރިމަރަދޫ ސުކޫލު، ހދ. އަތޮޅު ތައުލީމީ މަރުކަޒު، ރ. ފައިނު ސުކޫލު، ގއ. ކޮނޑޭ ސުކޫލު، ވާދޫ ޖަމާލުއްދީން ސުކޫލް، މ. އަތޮޅު ތައުލީމީ މަރުކަޒު، ހދ. ނޭކުރަންދޫ ސުކޫލު އަދި ނ. މަގޫދޫ ސުކޫލެވެ.

ޓީޗަރުންނާއި ޕްރިންސިޕަލުން ލިބުމުގައި ދަތިތަކެއް ހުރިކަމަށާއި މި މަގާމުތަކަށް ބޭނުންވާ މީހުން ނުލިބެނީ މުސާރަ ކުޑަކަމުން ކަމުގައި އެޑިއުކޭޝަން މިނިސްޓަރ އައިޝަތު އަލީ ވަނީ ތަކުރާރުކޮށް ވިދާޅުވެފައެވެ. އަދި އެޑިއުކޭޝަނުން އެދިގެން އެމީހެއްގެ އަމިއްލަ ރަށް ފިޔަވައި އެހެން ރަށަކަށް ބަދަލުވާ ޕްރިންސިޕަލުންނަށް ހާއްސަ އިނާޔަތެއް ދެމުންދާކަމަށް ވެސް މިނިސްޓަރ ވަނީ ވިދާޅުވެފައެވެ.