އިންޑިއާ: މަރުވެފައިވާ މީހަކު ވެކްސިންގެ ދެވަނަ ޑޯޒް "ޖަހައިފި"
އުއްތަރަ ޕްރަދޭޝްގެ މުސްކުޅި އަންހެނަކު މަރުވެފައި ވަނިކޮށް، ކޮވިޑް ވެކްސިންގެ ދެވަނަ ޑޯޒް އޭނާ ޖެހިކަމަށް ވެކްސިން ސެންޓަރުގައި ރެކޯޑްކޮށްފިއެވެ.
އިންޑިއާގެ މީޑިއާތައް ބުނާ ގޮތުގައި އުމުރުން 67 އަހަރުގެ އެ އަންހެން މީހާ ވެކްސިންގެ ފުރަތަމަ ޑޯޒް ޖަހައިފައި ވަނީ މި އަހަރުގެ އޭޕްރީލްމަހުގައެވެ. އަދި ވެކްސިން ޖެހިތާ ހަފްތާއެއްގެ ތެރޭގައި އޭނާ ވަނީ މަރުވެފައެވެ. ނަމަވެސް އޭނާ މަރުވިތާ އެތައް މަހެއް ފަހުން މި މަހުގެ 9 ވަނަ ދުވަހު އެ އަންހެން މީހާގެ ދަރިފުޅުގެ ފޯނަށް ، ވެކްސިން ސެންޓަރުން ފޮނުވި މެސެޖެއްގައި އޮތީ އެ އަންހެން މީހާ ވެކްސިންގެ ދެވަނަ ޑޯޒް ފުރިހަމަކޮށްފި ކަމަށެވެ.
މި ހާދިސާ ހިނގި އުއްތަރަ ޕްރަދޭޝްގެ ޖާންސީ ޑިސްޓްރިކްޓްގެ އިމިޔުނިޒޭޝަން އޮފިސަރު ރަވީ ޝަންކަރު އިންޑިއާގެ މީޑިއާތަކަށް ބުނެފައި ވަނީ އެ މައްސަލަ ސަމާލުކަމަށް އައިސްފައިވާ ކަމަށާއި އެކަން ބަލަމުން ގެންދާ ކަމަށެވެ. އަދި އެކަން ހިނގައިފައި ވަނީ އޮޅުމަކުންތޯ ނުވަތަ ގަސްދުގައިތޯ ބަލައި މީޑިއާއަށް މައުލޫމާތު ދޭނެ ކަމަށް އޭނާ ބުނެފައި ވެއެވެ.
ކޮވިޑާ ގުޅިގެން އިތުރުވި ވެކްސިނާއި ކޮވިޑް ޓެސްޓް ފަދަ އެތައް ވިޔަފާރިއެއްގައި އިންޑިއާގައި ބޮޑެތި ކޮރަޕްޝަންތައް ހިނގަމުންދާކަމަށް އެ ގައުމުގެ މީޑިއާތައް ބުނެއެވެ.
ތި ވާނީ އެކޮޅުން ޖެހީކަމަށް