އިންޑިއާ އައުޓްކަމަށް ނުބުނެވޭނެ: ރައީސް ނަޝީދު
އިންޑިއާ އައުޓް ކަމަށް ނުބުނެވޭނެ ކަމަށް، މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވެފައި ވަނީ، އިންޑިއާ އައުޓް ނަމުގައި އިންޑިއާ ސިފައިން ބޭރުކުރުމަށް އިދިކޮޅު ފަރާތްތަކުން ކުރިއަށް ގެންދާ ކެމްޕޭނަށް ރައްދު ދެއްވަމުންނެވެ.
ރައީސް ނަޝީދު ވިދާޅުވީ ދިވެހިރާއްޖޭގައި އޮތް އިންޑިއާގެ ދައުރާއި އިންޑިއާ ކަނޑުގައި އޮތް ދިވެހިރާއްޖޭގެ ދައުރަކީ ދިވެހިންނަށް އޮޅުވައިލެވޭނެ ދައުރެއް ނޫން ކަމަށެވެ. އަދި އެފަދައިން އެކަން އޮތުމުން "އިންޑިއާ އައުޓްއެކޭ" ވެސް ދިވެހިންނަށް ނުބުނެވޭނެ ކަމަށް އެމަނިކުފާނު ވިދާޅުވިއެވެ.
"ދިވެހިރާއްޖޭގައި އޮތް އިންޑިއާގެ ދައުރު އަދި އިންޑިއާ ކަނޑުގައި އޮތް ދިވެހި ރާއްޖޭގެ ދައުރަކީ ދިވެހިންނަށް އޮޅޭނެ ދައުރެއް ނޫން. އިންޑިއާ އައުޓްކަމަށް ނުބުނެވޭނެ" ރައީސް ނަޝީދު ކުރެއްވި ޓްވީޓެއްގައި ވިދާޅުވިއެވެ.
އިންޑިއާ އައުޓް ހަރަކާތް ފުޅާކުރެއްވުމުގެ ގޮތުން ކުރީގެ ރައީސް ޢަބްދުﷲ ޔާމީން އަބްދުލް ޤައްޔޫމް ވަނީ އަތޮޅުތަކަށް ދަތުރުތަކެއް ފައްޓަވައިފައެވެ. މި ދަތުރުފުޅުގައި އިއްޔެ އެމަނިކުފާނު ވަނީ ކ.ގުރައިދޫއަށް ވަޑައިގެންފައެވެ.
ޢިންޑިއާ އައުޓް
ބަލަ އެއޮތް ބުނަނީ އިންޑިޔާ މިލިޓަރީ އައުޓޭ..ހަމަހޭގައިތަ؟ ބަލަ ޑެންމާކުގައި ﷲ އަށް ގޮންޖަހައި ރަސޫލާ(ޞޢވ) އަށް ފުރައްސާރަ ކުރީ އެއީ ކުރެވޭނެ ކަމެއް ވީމާތަ؟
ހުރިހަ ދިވެހިން އިންޑިޔާ އައުޓް ކިޔާނެ، އިންޑިޔާ އައުޓްވެސް ކުރާނަން، ނަޝީދު އައުޓްވެސް ކުރާނަން. ދެން ލަލަލާ
ބުނެވޭނެ. ބުނާނެ. އައުޓް ކުރާނެ. ކަލޭ ފެލިފެލި އޮންނަން ޖެހޭނީ.