އިންޑިއާ ރައްޔިތުންގެ ހިތްތަކުގައި ދިވެހިންނާ މެދު ނަފްރަތު އުފެދެން ފަށައިފި: ހަސަން ލަތީފް
ކުރީގެ ރައީސް އަދި އިދިކޮޅު ލީޑަރު، ރައީސް އަބްދުﷲ ޔާމީން އަބްދުލްގައްޔޫމު އިސްވެ ހުންނަވައި ކުރިއަށް ގެންދަވާ އިންޑިއާ އައުޓް ކެމްޕެއިންގެ ސަބަބުން އިންޑިއާގެ ރައްޔިތުން ދިވެހިންނަށް ކުރަމުންދިޔަ ގަދަރާއި އިހުތިރާމް ، ނަފްރަތަށް ބަދަލުވާން ފަށައިފިކަމަށް އެމްޑީޕީގެ ޗެއާޕާސަން ހަސަން ލަތީފު ވިދާޅުވެއްޖެއެވެ.
ހަސަން ލަތީފު މިފަދައިން ވިދާޅުވީ އަންގާރަ ދުވަހު ހަވީރު ކުރިއަށްދިޔަ އެމްޑީޕީގެ މާލެ ސިޓީ ބައްދަލުވުމުގައި ވާހަކަ ދައްކަވަމުންނެވެ. އެގޮތުން "ދިވެހި ބޭސްގަނޑެއްހެއް އިންޑިއާ އައުޓު މުޅި ގައިގައި ބަނދެލައިގެން ނިކުންނަވާ ހުންނަވައި ރައީސް ޔާމީން ހިންގަވާ ކެމްޕެއިނަކީ ގައުމީ ސަލާމަތަށް އޮތް ވަރަށް ބޮޑު ނުރައްކަލެއް" ކަމަށް އޭނާ ވިދާޅުވިއެވެ.
އަދި ވިދާޅުވީ މިރާއްޖެއަކީ އިންޑިއާ ކަނޑުގައި އޮތް ކުޑަކުޑަ ގައުމެއް ކަމަށާއި މި ރާއްޖޭގެ އެންމެ އިހުލާސްތެރި އެއް ގައުމަކީ އިންޑިއާ ކަމަށެވެ. އަދި ކޮންމެ ކަމެއްގައި އެހީތެރިވާން އޮތް ގައުމަކީ ވެސް އިންޑިއާ ކަމަށް ވިދާޅުވިއެވެ.
"އަޅުގަނޑުމެންނަށް އެހީތެރިކަން ދެމުން ދެމުން އައިސް އޮއްވާ ކުއްލިއަކަށް އިންޑިއާ އައުޓް. މިހެން ގޮވާލީމާ އިންޑިއާ ރައްޔިތުންގެ ހިތްތަކުގައި ދިވެހިންނާ މެދު އޮތް ގަދަރާއި އިހުތިރާމު އެ ބަދަލުވެގެން ދަނީ ނަފްރަތާ ރުޅިވެރިކަމަށް" ހަސަން ލަތީފު ވިދާޅުވިއެވެ.
އޭނާ ވިދާޅުވީ ދޭދޭ ގައުމުތަކުގެ މެދުގައި އޮންނަ ގުޅުންތައް ގޯސްވީމާ ފެންނާނީ ރައީސް ޔާމީންގެ ވެރިކަމުގައި ބައިނަލްއަގުވާމީ ގައުމުތަކާ އޮތް ގުޅުމުން މުޅިން އެކަހެރިވެފައި އޮތް ފަދަ މަންޒަރެއް ކަމަށެވެ. ހަސަން ލަތީފު ފާހަގަކުރެއްވީ ކުރީ ސަރުކާރުގައި ކޮމަންވެލްތުން ވަކިވާން ނިންމި ނިންމުމަށެވެ.
ހަސަން ލަތީފު ވިދާޅުވީ ރާއްޖެ އޭރު އޮތީ ވަރަށް ނިކަމެތިކޮށް ކަމަށެވެ. އެހެން ނަމަވެސް މިސަރުކާރުން ދޭދޭ ގައުމުތަކާ އެކު އޮތް ގުޅުންތައް ވަރުގަދަ ކުރިކަމަށް ވިދާޅުވިއެވެ. އިންޑިއާ ކެމްޕެއިނަކި ގައުމީ ސަލާމަތަށް އިންތިހާއަށް ނުރައްކާ އޮތް ކަމެއް ކަމަށާއި ބައިނަލްއަގުވާމީ ގުޅުންތައް ކެނޑެން ދެވަނަ ފުރުސަތެއް ދީގެން ނުވާނެކަމަށް ވެސް ހަސަން ލަތީފު ވިދާޅުވިއެވެ.
އޭނާ ވަނީ އިންޑިއާ އައުޓު ކެމްޕެއިން ހުއްޓުވައިދިނުމަށް ސަރުކާރަށް ގޮވައިލައްވައިފައެވެ. އެމްޑީޕީން ބޭއްވި ބައްދަލުވުމުގައި ވާހަކަ ދެއްކެވި ގިނަ ބޭފުޅުން ވަނީ އިންޑިއާ އައުޓު ކެމްޕެއިން ހުއްޓުވުމަށް ސަރުކާރަށް ގޮވަައިލައްވައިފައެވެ.
އިދިކޮޅުން "އިންޑިއާ އައުޓު" ގެ ނަމުގައި ކެމްޕެއިނެއް ފަށައިގެން ކުރިއަށް ގެންދަނީ ރާއްޖޭގައި ތިބި އިންޑިއާ ސިފައިން ބޭރުކުރުމަށް ގޮވައިލައެވެ.
އިންޑިއާާ އައްް ގައުމުު ވިއްކާކައިގެންތިބެެ ދިވެހިރައްޔަތުންް މޮޔަހައްދަންް ފޭކުު ވާހަކަތައް އެބަދައްކައެވެ. އަދިި އިންޑިއާާ މީހުންް ލައްވާާ އެގައުމުގައިި އުޅޭޭ ދިވެހީންނަށްް އުދަގޫކުރުމުގެެ މަސައްކައްް މިހާރުު ވަނީފެށިފައެވެެ.
ބަލަ ހަސަނާ! ކަލެއަކަށް ނޭނގޭތަ؟ އިންޑިއާ ރައްޔިތުންނަށް މިހާރު ހީވާންފަށައިފި މިއީ ތިމަންނަމެންގެ އަވަށެކޭ. 2023 ގެފަހުން ގެއަށްދާން ތައްޔާރުވޭ. ދިވެހިރައްޔިތުން ކަލޭމެން ރިޖެކްޓްކޮށްފި.
ބޮޑުވަޒީރު ޗައިނާއަށް އެއްޗެހިގޮވިއިރު އޯކޭ. ހަގީގަތުގައި އެއްވެސް ގައުމަކާ ޖެހޭކަށް ނުޖެހޭ. އެކަމަކު ފުރަތަމަ މިސަކަރާތް ގަތްމީހުން އެކަން ހަނދާން ނެތުނުލެއް އަވަސް
އިދިކޮޅު ކޯލިޝަނުން ހިންގާ “އިންޑިއާ އައުޓް” ކެންޕެއިންގެ ސަބަބުން ރާއްޖެއާއި އިންޑިއާ ގުޅުން ހީނަރުވާންޖެހޭ ސަބަބެއް ސަރުކާރުކާރާ އިންޑިއާއިން ގާއިމްކޮއްފަ ނުވާނަމަ މިކަމުގަ ދިވެހި ސަރުކާރާ އިންޑިއާއިން ކަންބޮޑުވުން ފާޅުކުރަނީ ކީއްވެގެންހެއްޔެވެ.
ރައްޔިތުންނަށް ގޮތްނޭނގޭ ސިއްރު ކަންތައްތަކެއް އިންޑިއާ އާއި ކޯލިޝަން ސަރުކާރާ ދެމެދު އެބަސްވެވިފައި ވަނީހެއްޔެވެ ?