ސަރުކާރުން އިސްކަން ދެނީ ގޯތި ދޭކަށް ނޫން: ޑރ. މުއިއްޒު
މި ސަރުކާރުން އިސްކަންދެނީ ގޯތި ދިނުމަށް ނޫން ކަމަށާއި، އެޗްޑީސީގެ އާމްދަނީ އިތުރުކުރުމަށް ކަމަށް މާލޭގެ މޭޔަރު ޑރ.މުހައްމަދު މުއިއްޒު ވިދާޅުވެއްޖެއެވެ.
ޑރ. މުއިއްޒު މިހެން ވިދާޅުވެފައި ވަނީ ހުޅުމާލޭގެ ދެވަނަ ފިޔަވަހިން 60 ބިން ވިއްކަން އެޗްޑީސީން މިއަދު ބީލަމަށް ހުޅުވައިލުމުން ގިނަ ބައެއްގެ ފާޑުކިޔުން އަމާޒުވުމާ ގުޅިގެންނެވެ.
މިކަމާ ގުޅޭ ގޮތުން ޑރ. މުއިއްޒު މިރޭ ކުރެއްވި ޓްވީޓެއްގައި ވިދާޅުވީ މާލެ ސިޓީ ކައުންސިލްގެ އިޚްތިޞާސްގެ ތެރޭގައި ހިމެނޭ ހުޅުމާލެ 2ވަނަ ފިޔަވަހިން މާލޭ ރައްޔިތުންނަށް ގޯތި ލިބޭނެ ގޮތް ފަހިކޮށްދިނުމަށްވުރެ ސަރުކާރުން އިސްކަންދެނީ "ކުންފުންޏެއްގެ" އާމްދަނީ އިތުރުކުރުމަށް ކަމަށެވެ.
"މާލެ ރައްޔިތުން ނިކަމެތިކުރުން ހުއްޓައިލުމަށް ސަރުކާރަށް ގޮވާލަން!" ޑރ. މުއިއްޒު ވިދާޅުވިއެވެ.
ހުޅުމާލޭގެ ދެވަނަ ފިޔަވަހިން 60 ބިން ވިއްކަން ނިންމުމާ ގުޅިގެން ޑރ. މުއިއްޒުގެ އިތުރުން، ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވެސް ވަނީ ކަންބޮޑުވުން ފާޅުކުރައްވައިފައެވެ.
އެގޮތުން ރައީސް ނަޝީދު މިރޭ ވިދާޅުވީ މާލެ ސަރަހައްދުގައި ދިރިއުޅޭ އާމްދަނީ މަދު މީހުންނަށް ބިން ލިބޭނެ ގޮތެއް ނެތި ހުޅުމާލެއިން ބިން ވިއްކުމަކީ ބަލައިގަނެވޭނެ ކަމެއް ނޫން ކަމަށާއި މި ސިޔާސަތު ސަރުކާރުން ބަދަލުކުރުމަށެވެ.
މުޢީޒުއާނަޝީދުއާދެމީހުންނަކީވެސްދެފުކެހެރިން