މުއިއްޒުގެ ގޭގެ ކުރިމަތީގައި ޕާކް ކުރެވޭ ގޮތް ހަދައިފި

މާލެ ސިޓީގެ މޭޔަރު ޑރ. މުޙައްމަދު މުއިއްޒުގެ އަމިއްލަ ގޭގެ ކުރިމަތީގައި ޕާކް ކުރެވޭ ގޮތަށް ހަމަޖައްސައިފިއެވެ.

Ads by STELCO

ޑރ. މުއިއްޒުއާއި އޭނާގެ އާއިލާ ދިރިއުޅުއްވާ މ. ދިމްޔާތުގޭގެ ކުރިމަތީގައި ޕާކް ކުރުމަކީ ކުރީގައި މަނާ ކަމެކެވެ.

ނަމަވެސް މާލެ ސިޓީ ކައުންސިލުން މިއަދު ބުނީ ދިމްޔާތު ކުރިމަތީގައި ހަތް ސައިކަލަށް ޕާކް ކުރެވޭ ގޮތަށް ޕާކިން ޒޯނެއް މިހާރު ހަދާފައިވާ ކަމަށެވެ.

ޑރ. މުއިއްޒުގެ ގެ ކަމަށްވާ ދިމްޔާތަކީ ދުވަހު ކުއްޔަށް ކޮޓަރި ދޫކުރާ މާލޭގެ އެންމެ ބޮޑު އެއް ގެސްޓްހައުސްއެވެ. އެހެންކަމުން އެ އިމާރާތަކީ އެތައް ބަޔަކު ކޮންމެ ދުވަހަކު ވެސް ވަދެ ނިކުމެ ހަދާ އިމާރާތެކެވެ.