އެކްސިޑެންޓުވި ސައިކަލަކުން ބަނގުރާ ފުޅިތަކެއް ފެނިއްޖެ
މާލޭގައި މިއަދު ހަވީރު ހިނގި އެކްސިޑެންޓެއްގައި ގެއްލުންވި ސައިކަލުން ބަނގުރާ ފުޅިތަކެއް ފެނިއްޖެއެވެ.
ފުލުހުން ވިދާޅުވީ މަޖީދީ މަގުން މަޖީދީ މަގުން ބާރު ސްޕީޑްގައި ދުއްވައިފައި ދިޔަ ސައިކަލެއް މަޑުކުރަން އެންގުމުން މަޑު ނުކޮށް ބާރު ސްޕީޑްގައި އަލިކިލޭގެފާނު މަގުން ދަނިކޮށް ކޮންޓްރޯލް ނުވެ ގޮސް މުލިއާގޭ ފާރުގައި ޖެހި އެކްސިޑެންޓް ވެފައިވާ ކަމަށެވެ.
މި އެކްސިޑެންޓު ހިނގައިފައި ވަނީ ހަވީރު 16:3ހައިއިރު ކަމަށާއި، އެކްސިޑެންޓުގައި އަނިޔާވެފައި ވަނީ ސައިކަލް ދުއްވަން އިން ބިދޭސީ މީހާއަށް ކަމަށް ވެސް ފުލުހުން ވިދާޅުވިއެވެ. އަދި އެމީހާ ފުލުހުންގެ ބެލުމުގެ ދަށަށް ގެންގޮސް މިހާރު އައިޖީއެމްއެޗްގައި ފަރުވާ ދެމުންދާ ކަމަށް ވެސް ފުލުހުން ވިދާޅުވިއެވެ.
ފުލުހުން ވިދާޅުވީ އެކްސިޑެންޓުވި ސައިކަލް ބަލާ ފާސްކުރި އިރު އޭގެ ތެރޭގައި އޮތް ކޮތަޅެއްގެ ތެރެއިން ބަނގުރާ ފުޅިތަކެއް ފެނިފައި ވާކަމަށެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
ބޮންދެއްނު ދޫކޮއްލާ