ރައީސް ޔާމީނަށް އިންޒާރު ދެނީ އިންތިހާބުގައި ވާދަކުރާނެ ކެންޑިޑޭޓެއް އެމްޑީޕީގައި ނެތުމުން: އާދަމް ޝަރީފް
އިދިކޮޅު ލީޑަރު ރައީސް ޔާމީން ޖަލަށް ލާނެކަމުގެ އިންޒާރު ދެނީ އެމްޑީޕީގެ ފަރާތުން ރިޔާސީ އިންތިހާބުގައި ވާދަކުރެއްވުމުގެ ހިތްވަރު ހުރި ކެނޑިޑޭޓަކު ނެތުމުން ކަމަށް ޕީއެންސީގެ ނައިބު ރައީސް އާދަމް ޝަރީފު އުމަރު ވިދާޅުވެއްޖެއެވެ.
ރޭ ށ.ކޮމަންޑޫގައި ވެރިކަން ކުރާ މައި ޕާޓީ އެމްޑީޕީން ބޭއްވި ޖަލްސާގައި އެޕާޓީގެ ނާއިބު ރައީސް މުޙައްމަދު ޝިފާޒް ވަނީ ރައީސް ޔާމީން ޖަލަށްލާނެ ކަމުގެ އިންޒާރު ދެއްވައިފައެވެ.
ޝިފާޒުގެ އިތުރުން ވެސް ރޭގެ ޖަލްސާގައި ވާހަކަ ދެއްކެވި އިތުރު ބޭފުޅުން ވެސް ރައީސް ޔާމީން ޖަލަށްލުމަށް ގޮވައިލެއްވިއެވެ.
މިކަމާ ގުޅިގެން އާދަމް ޝަރީފު ވިދާޅުވީ، ކުރިއަށް އޮތް ރިޔާސީ އިންތިޚާބުގައި ވާދަކުރާވަރުގެ ހިތްވަރު ހުރި ކެނޑިޑޭޓެއް އެމްޑީޕީގައި ނެތް ކަމަށެވެ.
ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް ވަނީ ހިތްވަރު ހުރި ނަމަ، ރިޔާސީ ރޭހުގައި ރައީސް ޔާމީންއާ ވާދަކުރައްވާނެ ކެނޑިޑޭޓެއް ދެއްކުމަށް ގޮވައިލައްވައިފައެވެ.
