އެމްޑީޕީ ޕީޖީގެ ޑެޕިއުޓީ ލީޑަރުކަން ބިގޭ ކާމިޔާބު ކުރައްވައިފި
އެމްޑީޕީގެ ޕާލަމެންޓަރީ ގްރޫޕްގެ ޑެޕިއުޓީ ލީޑަރުކަން މުހައްމަދު ރަޝީދު (ބިގޭ) ކާމިޔާބު ކުރައްވައިފިއެވެ.
މިއަދު ބޭއްވި އެމްޑީޕީގެ ޕާލަމެންޓްރީ ގުރޫޕްގެ އިންތިޚާބުގައި، ބިގޭ އެ މަގާމު ކާމިޔާބު ކުރެއްވީ ހެންވޭރު ދެކުނު ދާއިރާ މެމްބަރު ހުސެއިން ޝަހީމް (އަނދުން ހުސެއިން)އާއި ހުޅުދޫ ދާއިރާގެ މެމްބަރު އިލިޔާސް ލަބީބްއާ ވާދަކޮށެވެ.
މި ވޯޓުގައި ބިގޭއަށް ލިބުނީ 49 ވޯޓެވެ. އަދި އަދުން ހުސެއިންއަށާއި އަދި އިލްޔާސް ލަބީބަށް ލިބިފައި ވަނީ 34 ވޯޓެވެ.
މިއަދު އެމްޑީޕީ ޕީޖީގެ އިންތިޚާބުގައި ވަނީ ޕީޖީ ގުރޫޕުގެ ޖީޕީ ލީޑަރު ވެސް އިންތިޚާބު ކޮށްފައެވެ. މި އިންތިހާބުގައި، މެދު ހެންވޭރު ދާއިރާގެ މެމްބަރު އާލި އާޒިމްއާއި ވާދަކޮށް އެމްޑީޕީގެ ޕީޖީ ލީޑަރުކަން ކާމިޔާބު ކުރައްވައިފައި ވަނީ ހިތަދޫ އުތުރު ދާއިރާގެ މެންބަރު މުޙައްމަދު އަސްލަމްއެވެ. އަލީ އާޒިމަށް މި އިންތިހާބުގައި 25 ވޯޓު ލިބިލައްވައިފައިވާ އިރު، އަސްލަމް އެ މަގާމު ކާމިޔާބު ކުރައްވައިފައި ވަނީ ޕާލަމެންޓް ގުރޫޕުގެ 40 މެމްބަރުންގެ ވޯޓު ހޯއްދަވައިގެންނެވެ.
