މާލޭގައި މާހެފުމުގެ ޙަރަކާތްތައް ބާއްވާނެ ދުވަސްތައް ކަނޑައަޅައިފި

ރަމަޟާން މަހަށް މަރުޙަބާ ކިޔުމުގެ ގޮތުން މާލޭގައި މާހެފުމުގެ ޙަރަކާތްތައް ކުރިއަށް ގެންދާނެ ދުވަސްތައް މާލެ ސިޓީ ކައުންސިލުން ކަނޑައަޅައިފިއެވެ.

Ads by Sosun Fihaara

މި ދުވަސްތައް ކަނޑައަޅައިފައި ވަނީ މާލެ ސިޓީ ކައުންސިލްގެ 42 ވަނަ ރަސްމީ ޢާއްމު ޖަލްސާގައެވެ. އެގޮތުން މާހެފުމުގެ ޙަރަކާތްތައް ކުރިއަށް ގެންދިއުމަށް ޓަކައި މާލޭގެ މައިމަގުތައް ނުހިމެނޭ ގޮތަށް މަގު ބަންދުކޮށްގެން އެ ޙަރަކާތްތައް ކުރިއަށް ގެންދިއުމަށް ހުއްދަ ދިނުމަށް ސިޓީ ކައުންސިލުން ވަނީ ނިންމައިފައެވެ.

ޢާއްމު ފަރާތްތަކުން މާހެފުމުގެ ޙަރަކާތްތައް ކުރިއަށް ގެންދިއުމަށް ހަމަޖެހިފައި ވަނީ މާރޗް މަހުގެ 25، 26، 29 އަދި 30ގައި ކަމަށް ކައުންސިލުން ވިދާޅުވިއެވެ.

ކަލަންޑަރުން ދައްކާ ގޮތުގައި މިއަހަރުގެ ރަމަޟާން މަހުގެ ފުރަތަމަ ދުވަހަކީ އަންނަ އޭޕްރީލް މަހުގެ ދެވަނަ ދުވަހެވެ.