މިދިޔަ މަހު ރާއްޖެއަށް އެންމެ ގިނަ ފަތުރުވެރިން އައީ ރަޝިޔާއިން
ރާއްޖެއަށް އެންމެ ގިނަ ފަތުރުވެރިން މިދިޔަ މަހު ޒިޔާރަތްކޮށްފައި ވަނީ ރަޝިޔާއިން ކަމަށް ތަފާސް ހިސާބުތަކުން ދައްކައިފިއެވެ.
އިމިގްރޭޝަންގެ ތަފާސް ހިސާބުތަކުން ދައްކާ ގޮތުގައި މިދިޔަ މަހު ރާއްޖެއަށް 149،011 ފަތުރުވެރިން ވަނީ އައިސްފައެވެ. މިއީ މިދިޔަ އަހަރުގެ ފެބްރުއަރީ މަހާ އަޅައިބަލާއިރު 54 ޕަސެންޓްގެ ކުރި އެރުމެކެވެ.
މިދިޔަ މަހު އެންމެ ގިނައިން ފަތުރުވެރިން ރާއްޖެ އައިސްފައި ވަނީ، ރަޝިޔާއިންނެވެ އެ ގައުމުން 20،082 ފަތުރުވެރިޔަކު އައިސްފައި ވެއެވެ. އިނގިރޭސިވިލާތުން 18،071 ފަތުރުވެރިޔަކު ރާއްޖެ އައިސްފައިވާއިރު އިންޑިއާއިން އައިސްފައި ވަނީ 14،770 ފަތުރުވެރިޔެކެވެ.
ރަޝިޔާއަކީ ރާއްޖެއަށް ފަތުރުވެރިން އަންނަ އެންމެ ބޮޑު މާކެޓެވެ. ރަޝިޔާއިން ޔޫކްރެއިންގައި ކުރަމުން އަންނަ ހަނގުރާމައިގެ ސަބަބުން ހުޅަނގުގެ ގިނަ ޤައުމުތަކުން ރަޝިޔާއާ ދެކޮޅަށް ފިޔަވަޅުތައް ވަނީ އަޅައިފައެވެ. މީގެ ތެރޭގައި ރަޝިޔާގެ ފްލައިޓްތަކަށް އެ ޤައުމުތަކުގެ ވައިގެ ތެރޭގައި ނުއުދުހެވޭ ގޮތް ހެދުން ހިމެނެއެވެ. މިކަމުގެ ސަބަބުން ރާއްޖޭގެ ފަތުރުވެރިކަމަށް އަސަރު ކުރާނެ ކަމަށް ތަޖުރިބާ ކާރުން ދެކެވަޑައިގަންނަވައެވެ
އެވަރުންވެސް އދ ގަ ރަށިޔާ ކުއްވެރި ކޮށްފި ނުބެހޭ ކަންކަމާ ނުބެހި ތިބެބަލަ އަމިއްލަ ގައުމުގެ ކަންކަން އިސްލާހު ކުރިޔާ މާރަނގަޅުވާނެ