މިއަދު ހަވީރުން ފެށިގެން ބްރިޖުގެ ޓްރެފިކް ފްލޯއަށް ބަދަލުތަކެއް
އެމްއޭސީއެލްގެ ފަރާތުން ކުރިއަށް ގެންދާ އެއަރޕޯޓް ފުލް ސްކޭލް އެމަރޖެންސީ އެކްސަސައިޒާ ގުޅިގެން މިއަދު ހަވީރު ބްރިޖްގެ ޓްރެފިކް ފްލޯއަށް ބަދަލުގެނެވޭނެކަމަށް ފުލުހުން ވިދާޅުވެއްޖެއެވެ.
ފުލުހުން ވިދާޅުވީ ޙަރަކާތާ ގުޅިގެން މިއަދު ހަވީރު ގުޅިގެން 16:00އިން ފެށިގެން 20:00އަށް ބްރިޖްގެ ޓްރެފިކް ފްލޯއަށް ބަދަލުގެނެވޭނެ ކަމަށެވެ. އަދި ހަވީރު 16:00އިން 18:00އަށް އެއަޕޯޓުގެ ރަންވޭގެ އޮޕަރޭޝަން ވެސް އެއްކޮށް މަޑުޖައްސައިލާނެ ކަމަށް ފުލުހުން ވިދާޅުވިއެވެ.
އެމްއޭސީއެލުން ބުނީ ރަންވޭގެ އޮޕަރޭޝަން އެ ގަޑިތަކުގައި މަޑުޖައްސައިލާން ނިންމައިފައިވާ ނަމަވެސް ބައިނަލް އަޤްވާމީ އުދުހުންތަކުގެ ޗެކްއިން އަދި ސީޕްލޭން އޮޕަރޭޝަން ހުއްޓުމެއް ނެތި ކުރިއަށް ދާނެކަމަށެވެ.
އެމްއޭސީއެލްގެ ފަރާތުން ކުރިއަށް ގެންދާ މި ހަރަކާތުގައި އެއާޕޯޓުގެ އެކި ދާއިރާތަކުގެ އިތުރުން ޞިއްހީ ޚިދުމަތްދޭ ތަންތަން ހިމެނޭ ގޮތުން 30 އިދާރާއަކުން ބައިވެރިވާގޮތަށް ވަނީ ހަމަޖެހިފައެވެ.
އެމްއޭސީއެލުން ވަނީ މި ޙަރަކާތުގައި ބައިވެރިވާ ހުރިހައި ފަރާތްތަކަށް މައުލޫމާތު ދިނުމާއި ތަމްރީން ބައްދަލުވުންތައް ކުރިއަށް ގެންގޮސްފައެވެ.
ހެލްމެޓް ވެސް އަޅަން ނުޖެހޭ ދޯ؟؟