އިންޑިއާ އައުޓް ގޮވާއިރު އެތައް ދިވެހީންނެއް އެގައުމުގައި ތިބިކަން ނުވިސްނެނީތޯ؟: އިންތި
އިންޑިއާ އައުޓް ހަރަކާތް ހިންގާއިރު، އެގައުމުގައި އެތައް ސަތޭކަ ދިވެހީން އުޅޭކަން ނުވިސްނެނީތޯ، ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ(އިންތި) ސުވާލު ކުރައްވައިފިއެވެ.
"ނޭވާހޮޅިޔަށް" މިނަމުގައި، އިދިކޮޅު ޕީޕީއެމް-ޕީއެންސީން މާލޭގައި ބޭއްވުމަށް ރާވަމުންދާ ހުއްޓުވުމަށް ގޮވާލައްވައި، ކާށިދޫ ދާއިރާގެ މެމްބަރު ޖާބިރު ހުށަހެޅުއްވި ކުއްލި މައްސަލައަށް ބަހުސް ކުރަައްވަމުން އިންތި ވަނީ، އިދިކޮޅު ކޯލިޝަނުން ކުރިއަށް ގެންދާ "އިންޑިއާ އައުޓް" ހަރަކާތް ކުށްވެރި ކުރައްވައިފައެވެ.
އިންތި ވިދާޅުވީ، މި ކެމްޕެއިނުގެ ސަބަބުން ރާއްޖެ-އިންޑިއާގެ ގުޅުން ހީނަރުވެއްޖެ ނަމަ، ޑްރަގް ޓްރެފިކިންގެ މައްސަަލަތައް ވެސް ރާއްޖޭގައި އިތުރުވެގެންދާނެ ކަމަށެވެ.
"އަދި ހަމައެއާ އެކުގައި ޓެރަރިޒަމަށް ބާރު ލިބިގެންދާނެ ދިޔުމާ މެދު އަޅުގަނޑުމެން ވިސްނައި ނުލަނީބާއޭ އަޅުގަނޑު ހިތަށް އަރާ. ވަރަށް ކަންބޮޑުވާ ކަމެއް." އިންތި ވިދާޅުވިއެވެ.
އިންތިގެ ވާހަކައިގައި "އިންޑިއާ އައުޓް" ކެމްޕެއިނަށް އިޝާރާތް ކުރައްވައި ވިދާޅުވީ ދެ ގައުމެއްގެ ދެމެދުގައި އުސޫލުތަކާ އެއްގޮތަށް ކަންކަން ހިނގަމުންދަނިކޮށް، އޭގެ މައްޗަށް ހިންގާ ހަރަކާތަކީ"ފިތުނަ" ނޫން އެއްޗަކަށް ނުވާނެ ކަމަށެވެ.
ޢިންޑިއާ އައުޓް
އިންޑިއާ އައުޓޭ ގޮވަނީ ރައްޔަތުންނަށް ވަގަށް އެގްރީމެންޓުތަކެއް ހަދައިގެން ބަޔަކު ޤައުމަށް ޣައްދާރުވަމުންދާތީ ކަން މީގޭން އެއްވެސް ގުނބޯލަކަށް ހަމަނޭގެނީތަ