މަސްތުވާތަކެތީގެ މައްސަލައެއްގައި ހައްޔަރު ކުރި މެމްބަރާ މެދު ޕީއެންސީން ފިޔަވަޅު އަޅައިފި
މަސްތުވާތަކެތީގެ މައްސަލައެއްގައި، ޕީޕަލްސް ނެޝަނަލް ކޮންގްރެސް (ޕީއެންސީގެ) ކައުންސިލު މެމްބަރު، އަހުމަދު ހުސައިން ހައްޔަރު ކުރުމާ ގުޅިގެން އޭނާ ކައުންސިލު މެމްބަރުކަމުން ވަކިކޮށްފިއެވެ.
ޕީއެންސީން ދާދި ދެންމެއަކު ނެރުނު ބަޔާނެއްގައި ބުނީ މި މައްސަލަ ބެލުމަށް ފަހު، ޕީއެންސީގެ އަސާސީ ގަވައިދާ އެއްގޮތްވާ ގޮތުގެ މަތިން އަހުމަދާ މެދު ފިޔަވަޅު އެޅުމަށް ނިންމައިފައިވާ ކަމަށެވެ.
"އެގޮތުން އެޅޭ ފިޔަވަޅެއްގެ ގޮތުގައި އަހުމަދު ހުސައިން ޕާޓީގެ ކައުންސިލުން ވަކިކޮށް، ޕާޓީގެ އާންމު މެމްބަރެއްގެ ގޮތުގައި ވެސް، އެއްވެސް ހަރަކާތެއްގައި ބައިވެރި ނުވެވޭ ގޮތަށް ސަސްޕެންޑު ކޮށްފައިވާކަން މައުލޫމާތަށް ޓަކައި ދެންނެވީމެވެ." ބަޔާނުގައިވެއެވެ.
ޕީއެންސީގެ އަސާސީ ގަވައިދަށް ބަލާއިރު، ޕާޓީގެ ސިޔާސަތުތަކާ ހިލާފުވެ، ގާނޫނީ ބޮޑެތި ކުށްތަކަށް އަރައިގަންނަ ފަރާތްތަކާ މެދު ފިޔަވަަޅު އެޅުމުގެ ބާރު ޕާޓީގެ އަސާސީ ގަވައިދުން، ޕާޓީއަށް ލިބިދީފައިވާކަން ފާހަގަކޮށް، ބަޔާނުގައި ވަނީ އަހުމަދުގެ މައްޗަށް ކުރެވޭ ތުހުމަތުގެ ކުޑަބޮޑު މިނަށް ބަލައި، އޭނާގެ މައްޗަށް ފިޔަވަޅު އަޅަން ނިންމައިފައި ވަނީ މީގެ ކުރިން ވެސް މިފަދަ ކަންކަމުގައި އަމަލު ކުރަމުން އައި އުސޫލުގެ ތެރެއިން ކަމަށެވެ.
އިދިކޮޅުގެ ބަޔާނުގައި ވަނީ އަހުމަދުގެ މައްސަލަ ބަަލައި، ގާނޫނުގައިވާ ގޮތުގެ މަތިން އޭނާގެ މައްޗަށް ފިޔަވަޅު އެޅުން ވެސް އަވަސް ކުރުމަށް ގޮވައިލައިފައެވެ.
އަހުމަދު ހައްޔަރުކުރީ މާލޭ ގެއެއްގައި ވަޅުލައިފައި ހުއްޓައި އަތުލައިގަތް 42 ކިލޯގެ މަސްތުވާތަކެތީގެ މައްސަލައެއްގައެވެ. އޭނާއަކީ 2019ވަނަ އަހަރުގައި ބޭއްވި ރައްޔިތުންގެ މަޖިލީހުގެ އިންތިޚާބުގައި، ޕީއެންސީގެ ޓިކެޓްގައި އަލިފުށީ ދާއިރާއަށް ކުރިމަތިލެއްވި ކެނޑިޑޭޓު ވެސް މެއެވެ.
އިންޑިޔާ އައުޓް ، ޕީ އެއް ސީން ، މިހާރު ދިވެހިންނަން ގެޓްވެއްޖެ މިއީ ނިކުރާ އައުޓަކީ.
ރެޑް ހޭންޑް ކޮށް ހިފޭމީހާ އެކަނި މަގާމުން ވަކިކުރިޔަސް އަދި ނުނިމެއެވެ. އިންޑިޔާ އައުޓްގައި ތިޔައުޅޭ ހުރިހާ ޑީލަރުން ވަކިކުރަން ޖެހެއެވެ. އެހަރަކާތުގައި ގިނައިން ތިޔަ އުޅެނީ އެމީހުންނެވެ.