ރާއްޖެއަކީ ޓެކްނޯލޮޖީގެ ޢީޖާދުތައް ޓެސްޓުކުރެވޭނެ ޤައުމެއް: ޝައުނާ
ރާއްޖެއަކީ ކުޑަ ޤައުމެއްކަމުން އުފެއްދުންތެރި އައު ޓެކްނޯލޮޖީގެ ޢީޖާތުތައް ޓެސްޓުކުރުމަށް ބޭނުން ހިފޭނެ ޤައުމަކަށް ވާނެކަމަށް މިނިސްޓަރ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީ އާމިނަތު ޝައުނާ ވިދާޅުވެއްޖެއެވެ.
މިނިސްޓަރ ޝައުނާ މިހެން ވިދާޅުވީ ދުބާއީގައި ކުރިއަށްދާ ވަރލްޑް ގަވަރމަންޓް ސަމިޓްގައި މިއަދު ވާހަކަފުޅު ދައްކަވަމުންނެވެ.
މިނިސްޓަރ ޝައުނާގެ ވާހަކަފުޅުގައި ރާއްޖޭގެ ރަށްތައް ގުދުރަތީ ގޮތުން ބެހިފައި އޮތް ގޮތުން ރަނގަޅު ފެންވަރުގެ ޞިއްޙީ ޚިދުމަތާއި ތަޢުލީމު ހުރިހައި ރަށަކަށް އެއް ހަމައެއްގައި ފޯރުކޮށްދިނުމަކީ ގޮންޖެހުން ބޮޑު މަސައްކަތެއްކަން ފާހަގަކުރެއްވިއެވެ.
އަދި މޫސުމަށް އަންނަ ބަދަލުތަކަށް ހޭނުމަށް ރާއްޖެއަކީ ވިލުންތެރިކަމަށް އިސްކަންދޭ ޤައުމަކަށް ވާންޖެހޭކަން މިނިސްޓަރ ޝައުނާ ފާހަގަކުރެއްވިއެވެ. މީގެ އިތުރުން ވިލުންތެރިކަން އިތުރުކުރުމަށް މުސްތަޤްބަލުގައި ކުރިމަތިވެދާނެ ކަންކަމަށް މީހުން ބިނާކޮށް ޒުވާން ޖީލު ތައްޔާރުކުރަން ޖެހޭކަމަށް މިނިސްޓަރ ވިދާޅުވިއެވެ.
މިނިސްޓަރ ޝައުނާ ވަނީ މީގެ 2 އަހަރު ކުރިން ރާއްޖޭގައި ސްކޫލް ނިންމާ ކުދިންނަށް އަތްފޯރާފަށުގައި މަތީ ތަޢުލީމު ޙާޞިލުކުރުމުގެ ފުރުޞަތު ނެތްކަން ފާހަގަކުރައްވައިފައެވެ. ނަމަވެސް މިހާރު މި ސަރުކާރުން މަތީ ތަޢުލީމު ހިލޭ ހޯދުމުގެ ފުރުޞަތު ފަހިކޮށްދީ މިހައިތަނަށް ގާތްގަޑަކަށް 10،000 ކުދިނަށް އެފުރުޞަތު ހޯދައިދެވިފައިވާކަން ޝައުނާ ފާހަގަކުރެއްވިއެވެ.
އަދި ގިނަ ޢަދަދެއްގެ ކުދިން ހެނދުނު ނާސްތާ ނުނަގައި ސްކޫލަށް ހާޒިރުވުމުގެ ސަބަބުން ކުދިންގެ އުނގެނުމަށް އޭގެ އަސަރުކުރާކަން ފާހަގަކުރެވޭތީ އެކަމަށް ޙައްލެއް ގެނައުމުގެ ގޮތުން ނާސްތާ ޕްރޮގްރާމް ސްކޫލް ކުދިންނަށް ތަޢާރަފުކުރައްވައިފައިވާކަން މިނިސްޓަރ ޝައުނާގެ ވާހަކަފުޅުގައި ފާހަގަކުރެއްވިއެވެ.
ިމތިޔަވިދާޅުވީ ހަމަ ރަގަޅަށް މީ ހުރިހާ އެއްޗެހި ޓެސްޓް ކުރާ ލެބޯޓްރީ ވެކްސިނެއް އުފައްދައިފިއްޔާ ފުރަތަމަ ދިވެހިން ގަޔަށް، ފޯނެއް އުފައްދައިފިއްޔާ މިތަނަށް ގެންނާނެ ބޭހެއް އުފައްދައިފިއްޔާ މިތަނަ ގެންނާނެ !