އައުޓްރީޗް:ދީނީ އިލްމުވެރިންނާ ބައްދަލުކޮށް ސުވާލުކުރުމުގެ ފުރުސަތު!
އިސްލާމިކް މިނިސްޓްރީން އިންތިޒާމުކޮށްގެން ބާއްވާ "އައުޓް ރީޗް 1443" ޕްރޮގްރާމް މިއަދު ހަވީރު ހުޅުމާލޭގައި ބާއްވަން ހަމަޖެހިއްޖެއެވެ.
ހުރިހާ އުމުރުފުރާއަކަށް ޚާއްސަކޮށްގެން ކުރިއަށް ގެންދާ މި ޕްރޮގްރާމް ބޭއްވުމަށް ހަމަޖެހިފައިވަނީ ހުޅުމާލޭ ސެންޓްރަލް ޕާކުގައި ހަވީރު 4:00އިން 5:30 އަށެވެ.
އިސްލާމިކް މިނިސްޓްރީން އިންތިޒާމު ކޮށްގެން ބާއްވާ މި ޚާއްސަ ޕްރޮގްރާމުގައި ދީނީ ޢިލްމުވެރިންނާ ބައްދަލުކޮށް ސުވާލުކުރުމުގެ ރަނުގެ ފުރުސަތު ވެސް ވަނީ ހުޅުވައިލައިފައެވެ.
މީގެ އިތުރުން މި ޕްރޮގްރާމުގައި ދީނީ ތަފާތު މައުލޫމާތާއި، ދީނީ ފޮތްތަކާއި، މުސްހަފް، މި ޕްރޮގްރާމުން ލިބިގެން ދާނެއެވެ. އަދި މި ޕްރޮގްރާމް ކުރިއަށްދާއިރު ބައިވެރިވާ ފަރާތްތަކުގެ ތެރެއިން ކުޑަކުދިންނަށް ހާއްސަ ތަފާތު ކުޅިވަރުތަކާ އެކު ހަދިޔާ ވެސް ލިބިގެންދާނެއެވެ. ކުޅިވަރުތަކުގެ ތެރޭގައި ސްނޭކް އެންޑް ލެޑާއާއި ޕްލޭ ބޯލް، ކުރެހުން އަދި ކުލަ ޖެއްސުން ވެސް ހިމެނެއެވެ.
އިސްލާމިކް މިނިސްޓްރީން މައުލޫމާތު ދިން ގޮތުގައި "އައުޓްރީޗް 1443" ޕްރޮގްރާމު ކުރިއަށް ދާނީ ކޮންމެ ހޮނިހިރު ދުވަހެއްގައި، ގްރޭޓާ މާލޭގެ އެކި ސަރަހައްދުތަކުގައެވެ.
