ދެން ރެސިޕީ | ކްލަބް ސޭންޑްވިޗް
ބޭނުންވާ ތަކެތި:
4 ފޮތި ޕާން
1/3 ސައި ސަމުސާ މުގުރި އަސޭމިރުސް
1/2 ސައި ސަމުސާ ހިމުންކޮށް ކޮށާފައި ހުރި ގިތެޔޮ މިރުސް
1/4 ޖޯޑ ހުންނަހާ ޓޫނާ ތެޔޮފެލާ ފުނޑުވާފައި ހުރި
2 ފޮތި ކިޔުކަމްބަރ
1/2 ސައި ސަމުސާ ލުނބޯހުތް
2 ފޮތި ޓޮމާޓޯ
2 ފަތް ލެޓިއުސް
1 ފޮތި ސްޕައިސް ޗީޒް
2 ބިސް ގިރާފައި
2 މޭޒުމަތީ ސަމުސާ ހިމުންކޮށް ކޮށާފައި ހުރި ފިޔާ
ލޮނު ކޮޅެއް
ބަޓަރ ކޮޅެއް
މެޔޮނައިސް
ތައްޔާރުކުރާނެ ގޮތް:
ގިރާފައި ހުރި ބިހުގެތެރެއަށް ލޮނުކޮޅެއް ލައިފައި ބިސްގަނޑެއް އަޅާލާށެވެ.
ފިޔާ ،މިރުސް އަސޭމިރުސް ލޮނު ހުތް އެއްކޮށްފައި ރަނގަޅަށް މިކްސްކޮށްލާށެވެ. ރަހަ ދޭ ވަރަށް މެޔޮނައިސް ކޮޅެއް އެއްކޮށްލާށެވެ.
ޕާން ފޮތިތައް ކުޑަކޮށް ޓޯސްޓް ކޮށްލާށެވެ. ޕާން 2 ފޮތީގައި މެޔޮނައިސް ކޮޅެއް ހާކާފައި އަނެއް 2 ފޮތީގައި ބަޓަރ ކޮޅެއް ހާކާލާށެވެ.
ޕާން ފޮއްޗެއްގެ މަތީގައި މަސް ފަތުރާފައި އަނެއް ޕާން ފޮތި ތަތްކޮށްފައި، ތަތްކުރި ޕާން ފޮތި މަތީގައި ބިސްގަނ ޑު ހަތަރެސްކަން ކޮށްފައި ( ކަފާލާފައި ) ޕާން ފޮތި މަތީގައި ބާއްވާށެވެ. އަނެއް ޕާން ފޮތި ބިސްގަނޑު ލީ ޕާން ފޮތި މަތީގައި ބޭއްވުމަށް ފަހު 2 ފޮތި ކިއުކަމްބަރއާއި 2 ފޮތި ޓޮމާޓޯއާއި ލެޓިއުސް އަތުރައިލައިފައި ޗީޒްފޮތި ލައިފައި އަނެއް ޕާން ފޮތި ތަތްކޮށްލާށެވެ. ދެން ހަތަރު ބަޔަށް ކަފާލާށެވެ.
ސާރވް ކުރާއިރު ޓޫތް ޕިކަކުން ޕާން ފޮތިތައް ހަރުކޮށްލާށެވެ.
