ދެން ރެސިޕީ : ޕޮޓޭޓޯ ޕައި
ބޭނުންވާ ތަކެތި:
2 ލޮނުމެދު (ގާނާފައި)
1 ދަޅުމަސް
3 އަލުވި (ސްލައިސް ގޮތަށް ކޮށައި ތެލުލާފައި)
6 ބިސް (ކުޑަ ލޮނުކޮޅެއްގެ ތެރޭގައި ގިރާފައި)
1 ފިޔާ (ބޮޑު) (ކުދިކޮށް ކޮށާފައި)
މިރުސް (ކުޅިކުރަން ބޭނުންވާ ވަރަކަށް)
ހިކަނދިފަތް
2/1 ލުނބޯ
ލޮނު
2 ޓޮމާޓޯ (ތުނިކޮށް ފޮތިކޮށްފައި)
ތައްޔާރުކުރާނެގޮތް:
ފިޔާ، މިރުސް، ލޮނުމެދު، އަދި ހިކަނދިފަތް ކުޑަ ލޮނުކޮޅެއްލައިގެން މޮޑެލުމަށް ފަހު ލުނބޯ ހުތްޖަހައިގެން މޮޑެލައި މަސް އަޅައިގެން ވެސް މޮޑެލުމަށް ފަހު ލޮނު ހެޔޮވަރު ކޮށްލާށެވެ.
ދެން، ތަވާ އުނދުންމަތީ އުދުމަށް ފަހު ތެޔޮފޮދެއް އަޅައި، ތެޔޮފޮދު ހޫނުވުމުން އެކުލަވައިފައި ހުރި ބިހުގެ އެއްބައި ތަވާއަށް އަޅާށެވެ. ދެން އުނދުން ނިއްވައިލުމަށް ފަހު، ތެލުލި އަލުވި ބިހުގެ މަތީގައި އަތުރައިލާށެވެ. އޭގެ މަތީގައި މޮޑުނު މަސްގަނޑު އަތުރައި މަސްގަނޑު މަތީގައި ޓޮމާޓޯ ފޮތިތައް އަތުރައިލާށެވެ. އެއަށް ފަހު، ޕައިގެ މައްޗަށް ދެން ބާކީ ހުރި އަލުވި އަތުރައި އޭގެމައްޗަށް ދެން ބާކީ ހުރި ބިސް އަޅައިލުމަށް ފަހު މަޑު ގިނީގައި ޕައިގެ ދެފުށް ވެސް ފިހެލާށެވެ.
