ދެން ރެސިޕީ | ޓޫނާ ކްލަބް ސޭންޑްވިޗް
ބޭނުންވާ ތަކެތި:
ފޮތި ޕާން
1/3 ސައި ސަމުސާ މުގުރި އަސޭމިރުސް
1/2 ސައި ސަމުސާ ހިމުންކޮށް ކޮށާފައި ހުރި ގިތެޔޮ މިރުސް
1/4 ޖޯޑު މަސްދަޅު މަސް ތެޔޮ ފެލާފައި
2 ފޮތި ކިޔުކަމްބަރ
1/2 ސައި ސަމުސާ ލުނބޯހުތް
2 ފޮތި ޓޮމާޓޯ
1 ފޮތި ސްޕައިސް ޗީޒް
2 ބިސް ގިރާފައި
2 މޭޒުމަތީ ސަމުސާ ހިމުންކޮށް ކޮށާފައި ހުރި ފިޔާ
ލޮނު ކޮޅެއް
ބަޓަރ ކޮޅެއް
މެޔޮނައިސް
ތައްޔާރުކުރާނެ ގޮތް:
އެންމެ ފުރަތަމަ، ގިރާފައި ހުރި ބިހުގެތެރެއަށް ލޮނުކޮޅެއްލައިފައި ބިސްގަނޑެއް އަޅާލާށެވެ.
ދެން ފިޔާ މިރުސް އަސޭމިރުސް ލޮނު ހުތް އެއްކޮށްފައި ރަނގަޅަށް އެއްކޮށްލާށެވެ. މެޔޮނައިސް ކޮޅެއް ވެސް އަޅައިލާށެވެ.
ޕާން ފޮތިތައް ކުޑަކޮށް ޓޯސްޓްކޮށްލާށެވެ. ޕާން 2 ފޮތީގައި މެޔޮނައިސް ކޮޅެއް ހާކައިފައި އަނެއް 2 ފޮތީގައި ބަޓަރކޮޅެއް ހާކާލާށެވެ.
ޕާން ފޮއްޗެއްގެ މަތީގައި މަސް ފަތުރާފައި އަނެއް ޕާން ފޮތި ބާއްވައިލާށެވެ. އެ ޕާން ފޮތި މަތީގައި ބިސްގަނޑު ހަތަރެސްކަން ކޮށްފައި ( ކަފާލާފައި ) ޕާންފޮތި މަތީގައި ބާއްވާށެވެ. އަނެއް ޕާން ފޮތި ބިސްގަނޑު ލީ ޕާން ފޮތި މަތީގައި ބޭއްވުމަށް ފަހު 2 ފޮތި ކިއުކަމްބަރއާއި 2 ފޮތި ޓޮމާޓޯ އަތުރައިލާފައި ޗީޒްފޮތިލައިފައި އޭގެ މަތީގައި އަނެއް ޕާން ފޮތި ބާއްވައިލާށެވެ. ދެން ހަތަރު ބަޔަށް ކަފާލާށެވެ.
