އެމްޑީޕީއާއި އަޅުގަނޑު ބޭނުން ވަނީ އެއްވެސް ސަރުކާރަކުން ޚިޔާނާތްތެރި ނުވާން: ރައީސް ނަޝީދު
އެމްޑީޕީގެ ރައީސް މުޙައްމަދު ނަޝީދާއި، އެމްޑީޕީން އަބަދުވެސް ބޭނުން ވަނީ ވަރަށް އާދައިގެ ކަމެއް ކަމަށާއި އެއީ ސަރުކާރުން ޚިޔާނާތްތެރި ނުވެ، ތަފާތު ކުރުން ނުގެންގުޅެ، އަނިޔާވެރި ނުވުން ކަމަށް، އެމަނިކުފާނު ވިދާޅުވެއްޖެއެވެ.
ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު މިހެން ވިދާޅުވެފައި ވަނީ މިއަދު ކުރެއްވި ޓްވީޓެއްގައެވެ. ރައީސް އިބްރާހިމް މުހައްމަދު ޞާލީހް ސަރުކާރުގެ އެކި ސިޔާސަތުތަކަށް ފާޑުވިދާޅުވަމުން ގެންދެވުމަށް ފަހު، ރައީސް ޞާލިޙްގެ ސަރުކާރާ ދެކޮޅަށް ރައީސް ނަޝީދު ފާޅުގައި ވަނީ އެމްޑީޕީ ގައުމީ މަޖިލީހުގެ ވަޓްސްއެޕް ގްރޫޕްގައި ވާހަކަފުޅު ދައްކަވައިފައެވެ. އޭގެ ފަހުން މިއަދު ކުރެއްވި ޓްވީޓްގައި ވެސް އެމްއެންޕީއާރުސީގެ މައްސަލައާއި ވެންޓިލޭޓަރުގެ ޚިޔާނާތުގެ މައްސަލަ ސަރުކާރުން ނުބަލާތީ ރައީސް ނަޝީދު ވަނީ ފާޑު ވިދާޅުވެފައެވެ.
"އެމްޑީޕީއާއި އަދި އަޅުގަނޑު އަބަދުވެސް ބޭނުން ވަނީ ވަރަށް އާދައިގެ ކަމެއް. އެއްވެސް ސަރުކާރުން ޚިޔާނާތްތެރި ނުވުން. އެކަކާއި އަނެކަކާ ތަފާތު ނުކުރުން. އަނިޔާވެރި ނުވުން. އެމްއެންޕީއާރުސީ މައްސަލައާއި ވެންޓިލޭޓަރު މައްސަލަ ބެލުން. އެއީ އިތުބާރު ލިބޭނެ ކަންކަން" ރައީސް ނަޝީދު ކުރެއްވި ޓްވީޓްގައި ވިދާޅުވިއެވެ.
ނަޝީދު ސަރުކާރާ ދެކޮޅުވެ، ފާޅުގައި ބަސް ވިދާޅުވާން ފައްޓަވައިފައި މި ވަނީ އެމްޑީޕީގެ ޗެއާޕާސަން ހޮވުމުގެ އިންތިހާބުގެ ފޯރި އެ މަނިކުފާނުގެ ފެކްޝަނާއި ރައީސް އިބްރާހިމް މުހައްމަދު ސޯލިހްގެ ފެކްޝަނުގައި ގަދަވެފައި ވަނިކޮށެވެ. ދެ ފެކްޝަންގެ ބޭފުޅުން ވެސް އެކަކު އަނެކަކަށް ބަހުގެ ހަމަލާތައް ދަނީ ބަދަލުކުރަމުންނެވެ.
މީގެ ދެ ރޭ ކުރިން ރައީސް ނަޝީދު، އެމްޑީޕީ ގައުމީ މަޖިލީހުގެ ވަޓްސްއަޕް ގްރޫޕަށް ފޮނުވި މެސެޖެއްގައި ވިދާޅުވެފައި ވަނީ އެމްޑީޕީއަށް އެންމެ ރަނގަޅު ގޮތަކީ ސަރުކާރާ އެކުގައި ނުފެތުން ކަމަށެވެ. އަދި އެމްޑީޕީ އެދޭ ގޮތަށް ވައުދު ނުފުއްދޭ ކަމަށް ވިދާޅުވިއެވެ.
ކަލޯކުރި*ވަން*ކަން*ތަން* މަދުތަ؟ މިހިރަ ދެބޯބުރާންޗާ
ކަލެއާ ކަލޭގެ ވާގިވެރިންގެ ކިބައިން މި ގައުމާ ރައްޔިތުން ސަލާމަތް ކޮށްދެއްވުން އެދި ދަންނަވަނީ މާތް ﷲ ގެ ޙަޒްރަތުން.