މިއަހަރު މިހައިތަނަށް ރާއްޖެއަށް އެންމެ ގިނަ ޓޫރިސްޓުން އައީ އިންޑިއާއިން!
މި އަހަރު މިހައިތަނަށް ރާއްޖެއަށް އެންމެ ގިނަ ފަތުރުވެރިން އައި ޤައުމަކަށް އިންޑިއާ ވެއްޖެއެވެ.
ޓޫރިޒަމް މިނިސްޓްރީން އާއްމުކޮށްފައިވާ ތަފާސް ހިސާބުތަކުން ދައްކާ ގޮތުގައި، މި އަހަރު މިހައިތަނަށް ރާއްޖެއައި ފަތުރުވެރިންގެ ތެރެއިން 12.9 އިންސައްތަ މީހުންނަކީ އިންޑިއާ މީހުންނެވެ. 2019ވަނަ އަހަރު ރާއްޖޭގެ ދެވަނަ އެންމެ ބޮޑު މާކެޓަކީ އިންޑިއާއެވެ.
އެންމެ ގިނަ ފަތުރުވެރިން އައި ޤައުމަކަށް އިންޑިއާވެފައި ވަނީ، ކުރިން އެ މަޤާމުގައި އޮތް އިނގިރޭސި ވިލާތް ވައްޓައިލުމަށް ފަހުއެވެ. ތިންވަނައަށް އެންމެ ގިނަ ފަތުރުވެރިން އައިސްފައި ވަނީ ރަޝިއާއިންނެވެ.
މިއަހަރު މިހައިތަނަށް ރާއްޖެއަށް ޖުމްލަ 63،418 ފަތުރުވެރިން ވަނީ ޒިޔާރަތްކޮށްފައެވެ. އިއްޔެ އެކަނި 3،871 ފަތުރުވެރިން ޒިޔާރަތް ކުރިއެވެ. ރާއްޖެއަށް ދަތުރު ކުރާ ފަތުރުވެރިންގެ އަދަދު ރަޝިއާ-ޔޫކްރެއިން މައްސަލައާ ހެދި ވަނީ މަދުވެފައެވެ. މިއަހަރުގެ ފުރަތަމަ ތިން މަހު އެންމެ ގިނަ ޓޫރިސްޓުން އަންނަމުން ދިޔައީ ރަޝިޔާ ސަރަހައްދުންނެވެ.
