އެމް.ޑީ.ޕީގެ ޗެއާޕާސަންކަމާ ފައްޔާޒު، ރަސްމީކޮށް ހަވާލުވެވަޑައިގެންފި

މެއި މަހުގެ 14ވަނަ ދުވަހު ކުރިއަށް ދިޔަ އެމް.ޑީ.ޕީގެ އެތެރޭގެ އިންތިހާބުގައި އެ ޕާޓީގެ ޗެއާޕާސަންގެ މަޤާމު ކާމިޔާބުކުރެއްވި އިކޮނޮމިކް މިނިސްޓަރު ފައްޔާޒު އިސްމާޢިލް، ޗެއަރޕަރސަންގެ މަގާމާ ރަސްމީކޮށް ހަވާލުވެވަޑައިގެންފިއެވެ.

Ads by STELCO

ޗެއާޕާސަންގެ މަޤާމާ ރަސްމީކޮށް ހަވާލުވެވަޑައިގަތުމަށް ފަހު، ފައްޔާޒު މިއަދު ވަނީ އެ ޕާޓީގެ އިދާރާގައި ސެކްރެޓްރިއޭޓާއި މުވައްޒަފުންނާ ބައްދަލުކުރައްވައިފައެވެ. މި ބައްދަލު ކުރެއްވުމުގައި ޕީ.ޖީ ގުރޫޕުގެ ލީޑަރު މުޙައްމަދު އަސްލަމް ވެސް ބައިވެރިވެވަޑައިގަތެވެ.

ފައްޔާޒު އިސްމާޢީލް އެމް.ޑީ.ޕީގެ ޗެއާޕާސަން އިންތިހާބު ކާމިޔާބު ކުރެއްވީ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީއާ ވާދަ ކުރައްވައެވެ. މި އިންތިހާބު ވެގެންގޮސްފައި ވަނީ މިހައިތަނަށް ރާއްޖޭގެ ސިޔާސީ ޕާޓީއަކުން ބޭއްވި އެންމެ ފޯރިގަދަ އިންތިޚާބަށެވެ.