ބޮޑެތި ދޮގު ހަދައި, ބެލެނިވެރިން ވާވައްދަން އެޑިއުކޭޝަނުން މަަސައްކަތްކުރާތީ ކަންބޮޑުވުން ފާޅުކުރަން ފަށައިފި

ފެންނަން ހުންނަ ކަންކަމުގައި ދޮގުހަދައި މިނިސްޓްރީ އޮފް އެޑިއުކޭޝަނުން ބެލެނިވެރިން ވާވައްދަން މަސައްކަތް ކުރާތީ ބައެއް ފަރާތްތަކުން ކަންބޮޑުވުން ފާޅުކުރަން ފަށައިިފިއެވެ.

Ads by STELCO

ރާއްޖޭގައި ދަރިވަރުން ކިޔަވާ ފޮތެއްގައި އިސްލާމްދީނާ ޚިލާފު ވާހަކަތަކެއް ހުރި މައްސަލައެއް އިއްޔެ ވަނީ ފެންމަތިވެފައެވެ. އެ މައްސަލަ ފެންމަތިވީ ދަރިވަރުން ކިޔަވަން ބޭނުންކުރާ ''އިންގްލިޝް އޭޒް އަ ސެކަންޑް ލޭންގްއޭޖް'' ފޮތުންނެވެ. ޕްލެނެޓެއް ރަމްޒުކޮށްދެނީ ކޮން ކަލާނގެއެއްތޯ އެ ފޮތުގެ ފިލާވަޅެއްގައި ސުވާލުކޮށްފައިވެއެވެ.

އެކަމާ ގުޅިގެން އެޑިއުކޭޝަނުން ބުނީ އެ ފޮތަކީ 2014 ގައި ޗާޕުކުރެވުނު ފޮތެއް ކަމަށެވެ. އަދި ކޮންޓެންޓްގައި މައްސަލައެއް ހުރިކަން ފާހަގަވެގެން އެ ފޮތަށް މިހާރު ބަދަލު ގެނެވިފައިވާ ކަމަށާއި, ނަމަވެސް ސްޓޮކްގައި ކުރީގެ ޗާޕުގެ ވަރަށް ގިނަ ޢަދަދެއްގެ ކޮޕީ ހުރުމުން އެ ފޮތްތައް ވެސް ސްކޫލުތަކަށް ދަރިވަރުންނަށް ދޭން ފޮނުވިފައިވާ ކަމަށެވެ.

މި ފޮތްތައް ދޭއިރު މައްސަލަ ހުރި ބައި އުނިކުރުމަށް ސްކޫލުތަކަށް އިރުޝާދު ދީފައިވާނެ ކަމަށާއި, ބެލެވޭ ގޮތުގައި ދައުރުވަނީ ކުރީގެ ފޮތެއްގެ ފޮޓޯއެއް ކަމަށް ވެސް އެޑިއުކޭޝަނުން ބުންޏެވެ.

އެޑިއުކޭޝަނުން އެހެން ބުނި ފަހުން ޢަލީ ރަމީޒް ވަނީ މިހާރު ބޭނުންކުރަމުންދާ ''އިންގްލިޝް އޭޒް އަ ސެކަންޑް ލޭންގްއޭޖް'' ފޮތުގެ އެ ފިލާވަޅު ފެންނަ ވީޑިއޯއެއް ހިއްސާ ކުރައްވައިފައެވެ.

ވިދާޅުވީ މީ މި އަހަރު ގްރޭޑް 08 ގައި ކިޔަވައިދެމުންދާ ދަރިވަރެއްގެ ފޮތެއް ކަމަށާއި ރޭ އެ ވީޑިއޯ ކުރީ އޭނާ ކަމަށެވެ.

''ސަރުކާރުގެ ވުޒާރާތަކުން ދޮގުހެދުން ހުއްޓައިލަން އެބަޖެހޭ.'' ޢަލީ ރަމީޒް ވިދާޅުވިއެވެ.

https://twitter.com/aliramyz/status/1557435168259919872?t=oJ165N7FYwwIG9PQaL3GAw&s=19

އެޑިއުކޭޝަންގެ ވާހަކައާ ގުޅިގެން ޝައިޚް ސައުދާން ވިދާޅުވީ ‏ރާއްޖޭގެ ވުޒާރާތަކުން ދޮގުހެދުމުގެ އެއްވަނަ އެޑިޔުކޭޝަން ދޭންޖެހޭ ކަމަށެވެ. މިހާރުގެ ފޮތުގައިވެސް ދީނާ ޚިލާފުކޮށް ލިޔެފައި އެބަހުރި ކަމަށާއި, އެއްވެސް ބަދަލެއް ގެނެސްފައިނުވާކަމަށް އޭނާ ވިދާޅުވިއެވެ.

''މި ދިރާސީ އަހަރު ފެށެން ގާތްވެފައި ވަނިކޮށް، ހުރިހާ ސްކޫލް ތަކަށް ފޮތްތަކާއި ޓީޗަރުން ހަމަވެފަ ވާނެކަމަށްވެސް ބުނި. އެވެސް ދޮގު. ދޮގު ހެދުން ހުއްޓާލާ!'' އޭނާ ވިދާޅުވިއެވެ.